(GNS),19
ન્યૂઝીલેન્ડે અફઘાનિસ્તાનને 149 રને કચડીને વર્લ્ડ કપમાં સળંગ ચોથો વિજય મેળવ્યો હતો. બુધવારે ચેન્નાઈના ચેપોક સ્ટેડિયમમાં રમાયેલી વન-ડે ક્રિકેટ મેચમાં કિવી ટીમે ઓલરાઉન્ડ દેખાવ કર્યો હતો. જ્યારે અફઘાનિસ્તાનની ટીમે ચેમ્પિયન ઈંગ્લેન્ડને હરાવીને અપસેટ સર્જ્યા બાદ કિવીઝ સામે શરણાગતિ સ્વીકારી લીધી હતી. ન્યૂઝીલેન્ડની ટીમે વિલ યંગ (54), ટોમ લાથમ (68) અને ગ્લેન ફિલિપ્સ (71)ની અડધી સદીની મદદથી 50 ઓવરમાં છ વિકેટે 288 રન નોંધાવ્યા હતા. જવાબમાં અફઘાનિસ્તાનની ટીમ 139 રનમાં ખખડતાં તેનો કારમો પરાજય થયો હતો. રહેમત શાહ (36) અને અઝમતુલ્લાહ ઓમરઝઈ (27)ને બાદ કરતા અફઘાન ટીમનો અન્ય કોઈ બેટ્સમેન 20 રનનો વ્યક્તિગત સ્કોર નોંધાવી શક્યો નહતો.
અફઘાનિસ્તાને અંતિમ પાંચ વિકેટે ફક્ત 32 રનમાં ગુમાવી હતી. ન્યૂઝીલેન્ડ તરફથી લોકી ફર્ગ્યુસન અને મિચેલ સેંટનરે ત્રણ-ત્રણ વિકેટ ખેરવી હતી જ્યારે ટ્રેન્ટ બોલ્ટે બે તથા મેટ હેનરી અને રચિન રવીન્દ્રએ એક-એક વિકેટ મેળવી હતી. કિવી ટીમના મધ્યક્રમના બેટ્સમેન ગ્લેન ફિલિપ્સને (71) મેન ઓફ ધ મેચ જાહેર કરાયો હતો. અફઘાનિસ્તાનના કેપ્ટન હસમતુલ્લાહ શાહિદીએ ટોસ જીતીને પ્રથમ બોલિંગ લેવાનો જુગાર ખેલ્યો હતો. ન્યૂઝીલેન્ડની ટીમની શરૂઆત ખાસ રહી નહતી અને 21.4 ઓવરમાં 110 રનના સ્કોર પર ચાર વિકેટ ગુમાવી હતી. ઓપનર વિલ યંગે 54 રન કર્યા હતા.
This content is restricted to site members. If you are an existing user, please log in. New users may register below.
