સિંધૂ ક્વાર્ટરમાં, શ્રીકાંત અને કિરણ આર્કટિક ઓપનમાંથી બહાર

(GNS),14

ભારતની બે વખતની ઓલિમ્પિક મેડલ વિજેતા શટલર પી વી સિંધૂએ આર્કટિક ઓપન સુપર 500 બેડમિન્ટન સ્પર્ધામાં ક્વાર્ટરફાઈનલમાં પ્રવેશ મેળવ્યો છે. બીજીતરફ કિદામ્બી શ્રીકાંત અને કિરણ જ્યોર્જ તેમના પુરૂષ એકલના મુકાબલા હારતા તેઓ ટૂર્નામેન્ટમાંથી બહાર થયા છે. આઠમો સીડ ધરાવતી સિંધૂએ 38 મિનિટમાં ચાઈનિઝ તાઈપેઈની વેન ચી સુને 21-11, 21-10થી માત આપી હતી. સિંધૂ ક્વાર્ટરમાં વિયેતનામની થુઈ લિન એનગુયેન સામે રમશે..

કિદામ્બી શ્રીકાંતનો જાપાનના કાંતા ત્સુનેયામા સામે 15-21, 12-21થી પરાજય થયો હતો જ્યારે કિરણ જ્યોર્જ ચીનના લુ ગુઆંગ ઝુ સામે 10-21, 20-22થી હારતા મેન્સ સિંગલ્સમાં ભારતના અભિયાનનો અંત આવ્યો હતો. વિમેન્સ ડબલ્સમાં તનિષા ક્રાસ્ટો અને અશ્વિની પોનપ્પાનો ફ્રાન્સના માર્ગોટ લેમ્બર્ટ અને એની ટ્રાન સામે 19-21, 19-21થી પરાજય થયો હતો.