ઝીનત અમાન અને શબાના આઝમી ફિલ્મ ‘બન ટિક્કી’માં સાથે કામ કરશે

(GNS),11

બોલિવૂડના જાણીતા ફેશન ડિઝાઈનર મનીષ મલહોત્રાએ ફિલ્મ પ્રોડક્શનમાં ઝંલપાવ્યું છે. તેઓ ત્રણ ફિલ્મ પ્લાન કરી રહ્યા છે અને તેમાંથી એક ફિલ્મ ‘બન ટિક્કી’ છે. ‘બન ટિક્કી’માં ઝીનત અમાન અને શબાના આઝમી સાથે જોવા મળશે. મનીષ મલહોત્રાએ થોડા સમય પહેલા સ્ટેજ 5 પ્રોડક્શન્સની સ્થાપના કરી હતી અને ત્રણ ફિલ્મ બનાવવાની જાહેરાત કરી હતી. તેમની પહેલી ફિલ્મ ‘બન ટિક્કી’ છે, જેનું શૂટિંગ નવેમ્બર મહિનાથી શરૂ થવાનું છે. આ ફિલ્મમાં બોલિવૂડની બે દિગ્ગજ એક્ટ્રેસ ઝીનત અમાન અને શબાના આઝમી સાથે જોવા મળશે. આ બંને એક્ટ્રેસ લાંબા સમય બાદ સાથે જોવા મળશે. ‘બન ટિક્કી’માં અભય દેઓલ પણ મહત્ત્વના રોલમાં છે. શબાના આઝમી અને ઝીનત અમાને છેલ્લે 1982ના વર્ષમાં અશાંતિ ફિલ્મમાં સાથે કામ કર્યું હતું.

આ ફિલ્મમાં મિથુન ચક્રવર્તી અને રાજેશ ખન્ના મહત્ત્વના રોલમાં હતા. ચાર દાયકા બાદ વીતેલા જમાનાની બંને એક્ટ્રેસ સાથે જોવા મળશે. થોડા સમય પહેલા ઝીનત અમાને કમબેકની જાહેરાત કરી હતી અને સોશિયલ મીડિયા પર એક્ટિવ થયા હતા. સોશિયલ મીડિયા પર ઝીનતના ફોટોગ્રાફ્સ જોઈને શબાના આઝમીએ કોમેન્ટ કરી હતી કે, ઝીનતની જગ્યા અલગ જ છે. તેઓ હાલની એક્ટ્રેસ સાથે સ્પર્ધા કરવાના બદલે પોતાની ઉંમરને અનુરૂપ કામ કરી રહ્યા છે. ઉલ્લેખનીય છે કે, મનીષ મલહોત્રાએ બોલિવૂડના દિગ્ગજ કલાકાર મીના કુમારની બાયોપિક પણ પ્લાન કરેલી છે. તેમાં ક્રિતિ સેનન લીડ રોલમાં ફાઈનલ થઈ છે.