નાટોના આ પગલાથી ગમે ત્યારે શરૂ થઈ શકે છે વિશ્વ યુદ્ધ!

(GNS),10

યુક્રેન યુદ્ધની વચ્ચે નાટો જૂથની બેઠક થઈ રહી છે. રશિયાથી માત્ર 150 કિલોમીટર દૂર લિથુઆનિયાની રાજધાની વિલ્નિયસમાં સ્ટેજ તૈયાર છે. નાટો મીટિંગ હોલ રશિયાના સહયોગી બેલારુસથી માત્ર 32 કિલોમીટર દૂર છે. અમેરિકાના રાષ્ટ્રપતિ જો બાઈડન અહીં પહોંચી રહ્યા છે. આ પહેલા સુરક્ષા વ્યવસ્થા એવી રીતે કરવામાં આવી છે કે ગમે ત્યારે વિશ્વ યુદ્ધ ફાટી શકે છે. 16 નાટો સભ્યઓએ વિલ્નિયસમાં એક હજાર સૈનિકો તૈનાત કર્યા છે. આટલું જ નહીં, ઘણા લોકોએ ભારે હથિયારો પણ મોકલ્યા છે. નાટો સમિટ 11-12 જુલાઈના રોજ યોજાનાર છે. લિથુઆનિયા, જ્યાં નાટોની બેઠક યોજાવાની છે, તે એક સમયે સોવિયેત સંઘનો ભાગ હતો. હવે નાટોનો ભાગ છે. એસ્ટોનિયા અને લાતવિયા પણ 2004થી નાટો અને યુરોપિયન યુનિયનના સભ્યો છે. રશિયા તેની વિરુદ્ધ રહ્યું છે. નાટોને રશિયા સુરક્ષા માટે ખતરો માને છે. હવે લિથુઆનિયામાં જે રીતે નાટોની તૈનાતી કરવામાં આવી રહી છે તે મુજબ રશિયા તેનાથી નારાજ થશે તે નિશ્ચિત છે. લિથુઆનિયાના રાષ્ટ્રપતિ ગિતનાસ નૌસેદાએ જણાવ્યું કે જો બાઈડન અને 40 દેશોના નેતાઓ આ બેઠકમાં ભાગ લેશે. આવી સ્થિતિમાં હવાઈ સુરક્ષા જરૂરી છે. જર્મનીએ વિલ્નિયસમાં 12 પેટ્રિઓટ મિસાઈલ લોન્ચર તૈનાત કર્યા છે. તેની મદદથી બેલેસ્ટિક અને ક્રુઝ મિસાઈલ અથવા યુદ્ધ વિમાનોને ગંભીર સ્થિતિમાં અટકાવી શકાય છે. સ્પેનની NASAMS એર ડિફેન્સ સિસ્ટમ, ફ્રાન્સની સેલ્ફ પ્રોપેલ્ડ હોવિત્ઝર મોકલવાની યોજના છે. ફ્રાન્સ, ફિનલેન્ડ અને ડેનમાર્કે પણ લિથુઆનિયામાં ફાઈટર પ્લેન તૈનાત કર્યા છે.

ફ્રાન્સ અને બ્રિટન બંને વિલ્નિયસને એન્ટી-ડ્રોન હથિયારો સપ્લાય કરી રહ્યા છે. પોલેન્ડ અને જર્મનીએ વિશેષ કામગીરી માટે લશ્કરી હેલિકોપ્ટર મોકલ્યા છે. આ સિવાય નાટોના બાકીના દેશો સંભવિત રાસાયણિક, જૈવિક, રેડિયોલોજીકલ અને પરમાણુ હુમલાઓને રોકવા માટે હથિયારો મોકલી રહ્યા છે. વિદેશી નેતાઓની સુરક્ષા માટે, નાટોએ તાત્કાલિક અસરથી હવાઈ સંરક્ષણ પ્રણાલી તૈનાત કરવાની જરૂર પડશે. લિથુઆનિયાના રાષ્ટ્રપતિ ડરમાં છે. તેમનો પ્રયાસ છે કે વિદેશી નેતાઓની હાજરીમાં રશિયન બાજુથી કંઈપણ અનિચ્છનીય ન બને અને જો તે થાય, તો તેને સમયસર રીતે અટકાવવામાં આવે. વિલ્નિયસ એરપોર્ટ પર જર્મન પેટ્રિઓટ મિસાઈલ લોન્ચર તૈનાત કરવામાં આવ્યું છે. તેનું લક્ષ્ય રશિયાનું કેલિનિનગ્રાડ છે. બે પૈટ્રિયટના નિશાના પર બેલારુસ છે. તમામ મિસાઈલ લોન્ચર શુક્રવારથી કાર્યરત છે. વાસ્તવમાં લિથુઆનિયાની ભૌગોલિક સ્થિતિ જોખમી છે. તેણે બેલારુસ અને રશિયાની સરહદો પર સૈનિકોની જમાવટમાં ત્રણ ગણો વધારો કર્યો છે. જેમાં લાતવિયા અને પોલેન્ડના સૈનિકોનો સમાવેશ થાય છે. આ બંને નાટો સહયોગીઓએ વિલ્નિયસમાં પેટ્રોલિંગ માટે પોલીસ ટીમો પણ મોકલી છે. એક વૈશ્વિક સમાચાર એજન્સીએ બેલારુસની આસપાસના ગામડાઓમાં લોકો સાથે વાત કરી. તેઓ કહી રહ્યા છે કે તેઓ સંપૂર્ણપણે સુરક્ષિત છે. નાટોની બેઠક પહેલા રશિયામાં પણ વેગનરનો બળવો જોવા મળ્યો હતો. આવી સ્થિતિમાં એવી પણ આશંકા છે કે તે પોતાના સ્તરે હથિયારોનો ઉપયોગ કરીને નાટો સહયોગી દેશો પર હુમલો કરી શકે છે. થોડાક જ કિલોમીટર દૂર નાટોની બેઠક યોજાવાની છે. આસપાસના લોકો નિર્ભય છે.