સતલાસણા તાલુકામાં અવેલા રીછડા ગામે બોરનું પાણી ખેતરમાં લેવા મામલે ભત્રીજાએ કાકાને અપશબ્દો બોલ્યા હતા. બાદમાં ભત્રીજાએ પોતાના હાથમાં રહેલી લાકડી કાકાના માથા પર મારી ઘાયલ કર્યા હતા. તેમજ મારી નાખવાની ધમકીઓ આપી ભત્રીજો ફરાર થઇ ગયો હતો. મહેસાણા જિલ્લામાં આવેલા સતલાસણા તાલુકાના રીછડા ગામે રહેતા 40 વર્ષીય ઠાકોર કાંતિજીએ ફરિયાદ નોંધાવી જણાવ્યું છે કે, ગામમાં તેઓના ત્રણ ભાઈના ભગવો બોર આવેલ છે.
જ્યાં ફરિયાદીએ પોતાના ખેતરમાં ઘઉં ઉગાડયા હોવાથી જેમાં પાણી વાળવા માટે બોર ચાલુ કર્યો હતો. જ્યાં ફરિયાદીનો ભત્રીજો આવી ફરિયાદી સાથે પાણી છોડવા મામલે માથાકૂટ કરી હતી “તમે કેમ પાણી લીધું? પાણીનો વારો અમારો છે’ કહી ભત્રીજાએ કાકાને ગાળો બોલી માથાકૂટ કરી હતી. સમગ્ર મામલે ફરિયાદી પર તેના જ ભત્રીજા કેતનજીએ પોતાના હાથમાં રહેલી લાકડીઓ માથામાં મારી હતી.
ફરિયાદી લોહીલુહાણ બનતા નીચે પટકાયા હતા અને હુમલો કરનાર ભત્રીજો ત્યાંથી ફરાર થઇ ગયો હતો. સમગ્ર મામલે હાલમાં ઇજા પામેલા ફરિયાદીને સારવાર માટે ખસેડવામાં આવ્યા છે. તેમજ હુમલો કરનાર કેતનજી વિરુદ્ધ પોલીસ ફરિયાદ નોંધાઈ છે.
GNS NEWS
This content is restricted to site members. If you are an existing user, please log in. New users may register below.
