વિસનગરમાં શહેર પોલીસે ગાડીનો પીછો કરી વિદેશી દારૂ ઝડપી પાડયો હતો. જેમાં વિસનગર શહેર પોલીસે લાવારિસ બસ સ્ટેશનથી ફિલ્મી ઢબે પીછો કરી કમાણા ચોકડી નજીકથી વિદેશી દારૂ ભરેલી ગાડી ને ઝડપી લીધી હતી. ગાડીમાંથી પોલીસે વિદેશી દારૂની બોટલો નંગ ૭૩૫ તેમજ બિયર ટીન બોટલ નંગ ૪૬૯ મળી કુલ રૂ. ૯ લાખનો મુદ્દામાલ કબજે લઇ ગુનો નોંધી વધુ તપાસ હાથ ધરી છે.
વિસનગર શહેર પી.આઇ એસ.એસ.નિનામા ની સૂચના અને માર્ગદર્શન થી પી.એસ.આઇ બી.વી.ભગોરા અને ડી.સ્ટાફના માણસો મહેસાણા ચોકડી વાહન ચેકીંગ ની કામગીરીમાં હતા તે દરમિયાન લાવારિસ બસ સ્ટેન્ડ તરફથી એક બ્રેઝા ગાડી આવતી હોવાથી તેને ઈશારો કરતા ગાડીના ચાલકે ઊભી નહિ રાખતા કમાણા ચોકડી તરફ જવાના રોડ પર ભગાડી હતી ત્યારે પોલીસે ગાડીનો ફિલ્મી ઢબે પીછો કરતા ડોકટર હાઉસના દરવાજા આગળ ડાબી સાઈડમાં ખુલ્લામાં ઊભી કરી હતી. જેથી તપાસ કરતા મારુતિ સુઝુકી ગાડી (જીજે-૦૭-ડીએ-૪૧૯૦) માંથી વિદેશી દારૂની બોટલો મળી આવી હતી.
આમ ગાડીના ચાલકે મારુતિ સુઝુકી બ્રેઝા વિટારામાં ભારતીય બનાવટનો વિદેશી દારૂ બોટલો નંગ ૭૩૫ કિંમત રૂ. ૯૮,૫૪૦ બિયર ટીન નંગ ૪૬૯ કિંમત રૂ. ૫૬,૨૮૦ મળી કુલ કિંમત રૂ. ૧,૫૪,૭૩૦ નો વિદેશી દારૂ ઝડપી પાડયો હતો. જેમાં પોલીસે ગાડી કિંમત રૂ. ૮,૦૦,૦૦૦ મળી કુલ કિંમત રૂ. ૯,૫૪,૭૩૦ નો મુદ્દામાલ કબજે કરી ગાડી મૂકી નાસી જનાર ચાલક સામે શહેર પોલીસ મથકમાં ગુનો નોંધી વધુ તપાસ હાથ ધરી છે.
GNS NEWS
This content is restricted to site members. If you are an existing user, please log in. New users may register below.
