રશિયન ટેન્ક અને કારનો અકસ્માત, વિડીઓ વાઈરલ થયો

(જી.એન.એસ),તા.૨૬

રશિયા

રશિયન સેનાએ યુક્રેનના ઘણા વિસ્તારોમાં હુમલો કરીને સૈન્ય ઠેકાણાઓને નષ્ટ કરી દીધા છે. અને યુક્રેનની રાજધાની કિવમાં નાના-નાના વિસ્તારોમાં પણ યુદ્ધ કર્યા છે. વહીવટીતંત્ર દ્વારા લોકોને ખુલ્લી ચેતવણી પણ આપવામાં આવી હતી કે, ઘરની અંદર જ રહે, બહાર ના નીકળે , અને બારીઓમાંથી બહાર જોવાનું ટાળો, અને ફ્લેટોની બાલ્કનીમાંથી બહાર જોવાની તો જરાય ભૂલ ન કરતા. અને આ પહેલા યુક્રેનના રાષ્ટ્રપતિ વોલોડીમિર ઝેલેન્સકીએ પહેલા જ ચેતવણી આપી હતી કે રશિયા રાજધાની કિવ પર હુમલો કરી શકે છે. બંને દેશો વચ્ચે ચાલી રહેલા આ યુદ્ધમાં સેંકડો લોકોએ જીવ ગુમાવ્યા છે. અહીં, યુક્રેનના સંરક્ષણ મંત્રાલયે પણ દાવો કર્યો છે કે આ યુદ્ધમાં અત્યાર સુધીમાં 1,000 થી વધુ રશિયન સૈનિકો માર્યા ગયા છે. આ યુદ્ધ સાથે જોડાયેલો એક ખૂબ જ ભયાનક વીડિયો પણ વાઈરલ થઈ રહ્યો છે, જેને જોઈને તમે પણ હસી જશો. આ વાઈરલ વીડિઓમાં એક ટેન્ક રસ્તા પર આગળ વધી રહી છે, જે અચાનક પોતાનો માર્ગ બદલી રહી છે અને કારને ટક્કર મારી રહી છે. આ ટેન્ક કારની ઉપર જ ચઢી જાય છે, જેના કારણે કાર ખરાબ રીતે દબાઈ ગઈ હતી. હવે આ કારમાં કેટલા લોકો બેઠા હતા તેની માહિતી મળી નથી, પરંતુ એટલું ચોક્કસ કહી શકાય કે કારમાં બેઠેલા તમામ લોકોએ જીવ ગુમાવ્યો હશે. જણાવવામાં આવી રહ્યું છે કે કારને કચડી નાખનારી ટેન્ક રશિયાની હતી, જે યુક્રેનની સડકો પર ફરતી હતી. આ હૃદયદ્રાવક વીડિયો સોશિયલ મીડિયા પ્લેટફોર્મ ટ્વિટર પર @JasonHanifin આઈડી નામ સાથે શેર કરવામાં આવ્યો છે અને કેપ્શનમાં લખ્યું છે કે આ એક આઘાતજનક દૃશ્ય છે, જેમાં એક ટેન્ક અચાનક પોતાનો માર્ગ બદલીને કારની ઉપર ચઢી જાય છે. માત્ર 25 સેકન્ડના આ વીડિયોને અત્યાર સુધીમાં 7 મિલિયનથી વધુ વખત જોવામાં આવ્યો છે, જ્યારે લોકોએ વિવિધ પ્રકારની પ્રતિક્રિયાઓ આપી છે. કેટલાક યુઝર્સે આ ઘટનાને રશિયન સેનાનું અમાનવીય કૃત્ય ગણાવ્યું છે. વીડિયો શેર કરનાર વ્યક્તિએ કમેન્ટમાં કહ્યું છે કે આ અકસ્માતમાં કાર ચલાવી રહેલા ડ્રાઈવરનો ચમત્કારિક રીતે જીવ બચી ગયો છે.