યુક્રેન પર હુમલો કરવાની રશિયાએ સંપૂર્ણ યોજના બનાવી : નાટો ચીફ

(જી.એન.એસ),તા.૨૦

રશિયા

રશિયાની સરહદો નજીક નાટોની સૈન્ય પ્રવૃત્તિ પર મોસ્કો ગંભીર ચિંતા વ્યક્ત કરે છે. તેમનું કહેવું છે કે, નાટો તેમની રાષ્ટ્રીય સુરક્ષા માટે મોટો ખતરો છે. જો કે તેની પ્રવૃત્તિઓ માટે, તે હંમેશા કહેતો રહ્યો છે કે તે કોઈને ડરાવવાનો પ્રયાસ કરતો નથી. રશિયાએ કહ્યું છે કે યુક્રેનમાં આક્રમકતાના વધતા ભયનો ઉપયોગ યુરોપમાં નાટોની સૈન્ય હાજરીને વધુ વિસ્તૃત કરવા માટે બહાના તરીકે કરવામાં આવી રહ્યો છે.રશિયાએ ભલે કહ્યું હોય કે તે યુક્રેનની સીમા પરથી પોતાના સૈનિકોને હટાવી રહ્યું છે, પરંતુ અમેરિકાએ તેની વાત પર વિશ્વાસ ન કર્યો. નાટોના એક અધિકારીએ જણાવ્યું હતું કે નાટોના સ્ટાફને હવે યુક્રેનની રાજધાનીથી પશ્ચિમી શહેર લિવમાં ખસેડવામાં આવી રહ્યો છે. આ સિવાય અધિકારીઓને પણ બેલ્જિયમ મોકલવામાં આવી રહ્યા છે. તેમણે કહ્યું, અમારા કર્મચારીઓની સુરક્ષા ખૂબ જ મહત્વપૂર્ણ છે, તેથી તેમને કિવથી લિવ અને બ્રસેલ્સમાં શિફ્ટ કરવામાં આવ્યા છે. કેટલાક અન્ય પશ્ચિમી દેશોએ પહેલેથી જ તેમના રાજદ્વારીઓને કિવથી બીજા શહેરમાં ખસેડ્યા છે. લિવ શહેર પોલેન્ડની સરહદ પર છે અને તેની આસપાસ કોઈ રશિયન સૈન્ય નથી. બ્રસેલ્સમાં નાટોનું મુખ્ય મથક પણ છે. અમેરિકાના નેતૃત્વમાં નાટો અને જો બિડેને કહ્યું હતું કે રશિયા થોડા અઠવાડિયામાં યુક્રેનને નિશાન બનાવવા જઈ રહ્યું છે અને પહેલું નિશાન કિવ હોઈ શકે છે. યુક્રેન નાટોનું સભ્ય નથી અને નાટો પાસે અહીં કોઈ સૈન્ય બળ નથી. જો કે, ૧૯૯૦ થી, નાટોએ કિવમાં તેની બે ઓફિસો સ્થાપી છે. એક કાર્યાલય બનાવવામાં આવ્યું હતું. જેથી નાટો અને યુક્રેનિયન સરકાર વચ્ચે સંવાદ સ્થાપિત કરી શકાય અને સંરક્ષણ, સુરક્ષાની બાબતોનું ધ્યાન રાખી શકાય. નાટો વડાએ કહ્યું કે રશિયાના તમામ સંકેતો દેખાઈ રહ્યા છે કે તે યુક્રેન પર સંપૂર્ણ તાકાત સાથે હુમલો કરવાની યોજના બનાવી રહ્યું છે. અમે બધા સંમત છીએ કે હુમલાની શક્યતા ઘણી વધારે છે. નાટોના પ્રથમ વડાએ એમ પણ કહ્યું હતું કે યુક્રેનની રક્ષા માટે કોઈ સૈન્ય બળ તૈનાત કરવામાં આવશે નહીં. જાે કે, હવે નાટોના સભ્ય દેશોએ યુક્રેનના પડોશી દેશોમાં તેમની સેના મોકલી છે. નાટોના વડાએ એમ પણ કહ્યું છે કે જાે રશિયા તરફથી હુમલો થશે તો તેનો પણ જવાબ આપવામાં આવશે.