(જી.એન.એસ) તા. 31
નવી દિલ્હી,
દિલ્હી વિધાનસભા ચૂંટણીના ગણતરીના દિવસો બાકી છે ત્યારે આમ આદમી પાર્ટીને વધુ એક મોટો ઝટકો મળ્યો છે, સાત વર્તમાન ધારાસભ્યોએ પાર્ટીમાંથી રાજીનામું આપી દીધું છે. જેમાં મહેરૌલી, ત્રિલોકપુરી, જનકપુરી, બિજવાસન, પાલમ, આદર્શ નગર, કસ્તુરબા નગર વિધાનસભા બેઠકોનો સમાવેશ થાય છે.
દિલ્હીની વિધાનસભાની તમામ 70 સીટો પર 5 ફેબ્રુઆરીએ મતદાન થશે. જ્યારે 8મી ફેબ્રુઆરીએ પરિણામ જાહેર થશે. 70 વિધાનસભા બેઠકો માટે કુલ 699 ઉમેદવારો મેદાનમાં છે. વિધાનસભાનો વર્તમાન કાર્યકાળ 23 ફેબ્રુઆરીએ પૂરો થઈ રહ્યો છે.
મહેરૌલીથી પાર્ટીના 2 વખત ધારાસભ્ય રહી ચૂકેલા નરેશ યાદવે શુક્રવારે પાર્ટીમાંથી રાજીનામું આપી દીધું છે. તેમણે રાજીનામાનું કારણ પાર્ટીમાં ફેલાયેલા ભ્રષ્ટાચારને ગણાવ્યું હતું. તેમણે X પોસ્ટમાં પાર્ટી છોડવાનું કારણ પણ આપ્યું છે. તેમણે લખ્યું- AAP ભારતીય રાજનીતિમાંથી ભ્રષ્ટાચાર મુક્ત કરવા માટે ભ્રષ્ટાચાર વિરુદ્ધ અન્ના આંદોલનમાંથી ઉભરી. પરંતુ હવે મને ખૂબ જ દુ:ખ છે કે આમ આદમી પાર્ટી ભ્રષ્ટાચારને જરાય ઓછો કરી શકી નથી, બલ્કે AAP પોતે જ ભ્રષ્ટાચારની દલદલમાં ફસાઈ ગઈ છે.
તેમણે લખ્યું કે, હું ઈમાનદારીની રાજનીતિ માટે જ આમ આદમી પાર્ટીમાં જોડાયો હતો. આજે પ્રામાણિકતા ક્યાંય દેખાતી નથી. મેં મહેરૌલી વિધાનસભામાં છેલ્લા 10 વર્ષથી સતત 100 ટકા ઈમાનદારી સાથે કામ કર્યું છે. મહેરૌલીના લોકો જાણે છે કે મેં ઈમાનદારીની રાજનીતિ, સારા વર્તનની રાજનીતિ અને કામની રાજનીતિ કરી છે. યાદવે લખ્યું કે મેં મેહરૌલીના ઘણા લોકો સાથે ચર્ચા કરી, બધાએ કહ્યું કે આમ આદમી પાર્ટી હવે સંપૂર્ણ રીતે ભ્રષ્ટાચારમાં ફસાઈ ગઈ છે. તમારે આ પાર્ટી છોડી દેવી જોઈએ કારણ કે તેમણે લોકોને છેતર્યા છે, આમ આદમી પાર્ટીએ ભ્રષ્ટાચારીઓને પાર્ટીમાં સામેલ કર્યા છે.
This content is restricted to site members. If you are an existing user, please log in. New users may register below.
