(જી.એન.એસ),તા.16
મુંબઈ
સાઉથનો સુપરસ્ટાર પ્રભાસ આવનારા સમયમાં ઘણી શાનદાર ફિલ્મોમાં જોવા મળવાનો છે, જે તેના ફેન્સ માટે એક સારા સમાચાર છે. અભિનેતા તેના લાઇનઅપ પ્રોજેક્ટ્સના આગામી અપડેટ્સને કારણે લોકોમાં ચર્ચાનો વિષય છે. પ્રભાસની આગામી ફિલ્મોમાં ‘ધ રાજા સાબ’ પણ સામેલ છે, જે આવતા વર્ષે 10 એપ્રિલે રિલીઝ થશે. આ ફિલ્મના ગીતોને લઈને મ્યુઝિક કંપોઝરે ખૂબ જ રોમાંચક અપડેટ આપ્યું છે. સાલાર, સાહો, કલ્કી, એડી 2989 જેવી શાનદાર ફિલ્મો કર્યા બાદ હવે પ્રભાસ ઘણી રોમાંચક ફિલ્મોમાં જોવા મળવાનો છે. કહેવામાં આવી રહ્યું છે કે તેની આવનારી તમામ ફિલ્મોમાં ઘણી બધી ડિટેલિંગ કરવામાં આવી રહી છે. આ ફિલ્મોમાં ‘ધ રાજા સાબ’ને લઈને એક મોટું અપડેટ સામે આવ્યું છે. મ્યુઝિક કમ્પોઝર થમને કહ્યું કે ફિલ્મમાં 6 પાવરફુલ ગીતો છે, જેને હિટ સોંગ્સ તરીકે ડિઝાઈન કરવામાં આવ્યા છે.
આ સાથે સંગીતકારે એ પણ જણાવ્યું કે તમામ 6 ગીતોમાંથી એક ગીત લોકપ્રિય ટ્રેકની રિમેક બનવા જઈ રહ્યું છે. ફિલ્મના ગીતો સાંભળીને ચાહકોનો ઉત્સાહ બમણો થઈ જશે. સંગીતકાર એસ થમને એક કાર્યક્રમ દરમિયાન ‘ધ રાજા સાબ’ના ગીતો વિશે વાત કરી. દરમિયાન, જ્યારે તેને ગીતોના રિલીઝ વિશે પ્રશ્ન પૂછવામાં આવ્યો ત્યારે તેણે કહ્યું, અમે જાન્યુઆરીથી ગીતોના અપડેટ્સ રિલીઝ કરવાનું વિચારી રહ્યા છીએ. જો કે, ફિલ્મના ગીતો સાથે જોડાયેલા એક અન્ય સમાચાર આવી રહ્યા છે, જેમાં કહેવામાં આવી રહ્યું છે કે ‘ધ રાજા સાબ’ માટે લગભગ 25 કરોડ રૂપિયામાં ડીલ નક્કી કરવામાં આવી છે. ફિલ્મ વિશે વાત કરતી વખતે, ફિલ્મ નિર્માતા ભૂષણ કુમારે કહ્યું હતું કે ‘ધ રાજા સાબ’માં વપરાયેલ VFX ‘હેરી પોટર’માં ઉપયોગમાં લેવાતા VFX જેવું જ છે.
This content is restricted to site members. If you are an existing user, please log in. New users may register below.
