(જી.એન.એસ),તા.૧૯
ભારતીય ટીમના સૌથી સફળ કેપ્ટનોમાંના એક એમએસ ધોની જ્યારે રમતા ન હોય ત્યારે સ્ટેડિયમમાં ભાગ્યે જ જોવા મળે છે. તે પોતાના ઘરે રહીને મેચ જુએ છે, પછી ભલે તે મેચ ગમે તે હોય. ધોની માત્ર IPLમાં જ રમે છે અને જ્યારે તે મેચ રમવા સ્ટેડિયમ પહોંચે છે ત્યારે આખું સ્ટેડિયમ તેના નામના નારા લગાવવા લાગે છે. ધોની ફરી એકવાર સ્ટેડિયમમાં જોવા મળ્યો, પરંતુ એક ખેલાડી તરીકે નહીં પરંતુ એક દર્શક તરીકે તે ટીમ ઈન્ડિયાની મેચ જોવા આવ્યો હતો. જોકે, આ રોમાંચક મેચમાં ટીમ ઈન્ડિયાનો પરાજય થતાં ધોની નિરાશ થયો હતો. આ મેચ ક્રિકેટની નહીં પણ હોકીની હતી. ધોનીના ઘરે એટલે કે રાંચીમાં FIH ઓલિમ્પિક ક્વોલિફાયર રમાઈ રહી છે જેમાં ગુરુવારે બીજી સેમીફાઈનલમાં ભારતીય મહિલા હોકી ટીમ જર્મની સામે ટકરાશે. આ મેચમાં ભારતનો પેનલ્ટી શૂટ આઉટમાં પરાજય થયો હતો.
આ ટુર્નામેન્ટમાં ટોપ-3માં સ્થાન મેળવનારી ટીમોને ઓલિમ્પિકની ટિકિટ મળશે. જર્મનીના હાથે મળેલી હારથી ભારતને આંચકો લાગ્યો છે પરંતુ તેની પાસે હજુ પણ ઓલિમ્પિકની ટિકિટ મેળવવાની વધુ એક તક છે. શુક્રવારે ભારત ત્રીજા-ચોથા સ્થાન માટે જાપાન સામે ટકરાશે અને આ મેચ જીતીને ભારતીય મહિલા ટીમ ઓલિમ્પિકની ટિકિટ મેળવી શકે છે. આ મેચ ધોનીના શહેરમાં જ યોજાઈ રહી હતી અને આ મેચ ભારત માટે ખૂબ જ મહત્વપૂર્ણ હતી. આવી સ્થિતિમાં ધોની ભારતીય મહિલા ટીમને સપોર્ટ કરવા આવ્યો હતો. ધોનીને સ્ટેડિયમમાં જોઈને ફેન્સ ખૂબ જ ખુશ દેખાતા હતા. આ દરમિયાન ધોનીએ આરામથી મેચની મજા માણી હતી. તે ટીમને સપોર્ટ કરતો જોવા મળ્યો હતો. મેચ ખૂબ જ રોમાંચક હતી કારણ કે નિર્ધારિત સમયમાં મેચ 2-2ની બરાબરી પર સમાપ્ત થઈ હતી અને આ પછી પેનલ્ટી શૂટ આઉટ થયો હતો જેમાં ભારતીય ટીમ માત્ર એક ગોલથી પાછળ રહી ગઈ હતી, અહીં જર્મની 4-3થી જીતી ગઈ હતી. ટીમ ઈન્ડિયાની હાર જોઈને ધોની નિરાશ થયો જ હશે પણ તેણે આવી રોમાંચક મેચ જોવાની મજા માણી હશે.
આ મહત્વપૂર્ણ મેચમાં ભારતે પહેલા લીડ મેળવી હતી. 15મી મિનિટે દીપિકાના ગોલને કારણે ટીમ ઈન્ડિયા 1-0થી આગળ થઈ ગઈ હતી. દીપિકાએ આ ગોલ પેનલ્ટી કોર્નર પર કર્યો હતો. જર્મનીએ 27મી મિનિટે શાર્લોટ સ્ટેપનહોર્સ્ટના ગોલથી બરાબરી કરી હતી. તે ફિલ્ડ ગોલ હતો. આ પછી ત્રીજા ક્વાર્ટરમાં કોઈ ગોલ થયો નહોતો. જર્મનીએ 57મી મિનિટે ગોલ કરીને લીડ મેળવી હતી. આ વખતે પણ ચાર્લોટે ગોલ કર્યો હતો. એવું લાગી રહ્યું હતું કે ભારતીય ટીમ મેચ હારી જશે પરંતુ ત્યારપછી 59મી મિનિટે તેને સતત પેનલ્ટી કોર્નર મળ્યો. ઈશિકા ચૌધરીએ બીજા પેનલ્ટી કોર્નર પર ગોલ કરીને ભારતને બરાબરી પર લાવી મેચને પેનલ્ટી શૂટ-આઉટમાં મોકલી દીધી હતી. શૂટઆઉટમાં પણ મેચ 3-3થી બરાબર રહી હતી પરંતુ પછી સડન ડેથમાં જર્મનીનો વિજય થયો હતો. આ મેચ જીતીને જર્મનીએ પેરિસ ઓલિમ્પિકની ટિકિટ પણ મેળવી લીધી છે.
This content is restricted to site members. If you are an existing user, please log in. New users may register below.
