(GNS),26
હમાસે બીજા દિવસે વધુ 13 ઈઝરાયેલ અને ચાર થાઈલેન્ડના બંધકોને મુક્ત કર્યા છે. ઈઝરાયેલના સૈનિકોએ આ વાતની પુષ્ટિ કરી છે. IDFએ જણાવ્યું હતું કે બંધકોમાંથી 13 ઈઝરાયેલ અને અન્ય ચાર થાઈ નાગરિકો હતા. આ લોકો પહેલા રેડક્રોસના વાહનમાં રફાહ ક્રોસિંગ થઈને ઈજીપ્ત ગયા હતા અને ત્યાંથી ઈઝરાયેલમાં પ્રવેશ્યા હતા.. IDFએ જણાવ્યું હતું કે મુક્ત કરાયેલા બંધકો ઈઝરાયેલના વિસ્તારમાં પ્રવેશ્યા હતા. અહીં પહોંચ્યા બાદ તમામની મેડિકલ તપાસ કરવામાં આવશે. તમામ બંધકો ઈઝરાયેલના સૈનિકો સાથે છે. અમારા સૈનિકો ત્યાં સુધી તેમની સાથે રહેશે જ્યાં સુધી તેમને હોસ્પિટલમાં લઈ જવામાં નહીં આવે, જ્યાં તેઓ તેમના પરિવારને મળશે. તમને જણાવી દઈએ કે ડીલ હેઠળ આ મુક્તિના બદલામાં ઈઝરાયેલે પેલેસ્ટાઈનના 39 કેદીઓને પણ મુક્ત કર્યા છે..
ચાર દિવસીય યુદ્ધવિરામના બીજા દિવસે બંધકોની મુક્તિમાં થોડો સમય વિલંબ થયો હતો કારણ કે હમાસે ઇઝરાયેલ પર યુદ્ધવિરામ કરારનું ઉલ્લંઘન કરવાનો આરોપ લગાવ્યો હતો. તમને જણાવી દઈએ કે શુક્રવારે બંધકો અને કેદીઓની મુક્તિનો પહેલો દિવસ હતો. આ દિવસે હમાસે ઈઝરાયેલના 13 અને થાઈલેન્ડના 12 બંધકોને મુક્ત કર્યા હતા. તેના બદલામાં ઈઝરાયેલે જેલમાં બંધ 39 પેલેસ્ટાઈન કેદીઓને પણ મુક્ત કર્યા હતા.. તમને જણાવી દઈએ કે ડીલમાં નક્કી કરવામાં આવ્યું હતું કે ચાર દિવસીય યુદ્ધવિરામ દરમિયાન હમાસ 50 ઈઝરાયેલના બંધકોને મુક્ત કરશે અને ઈઝરાયલે 150 પેલેસ્ટિનિયન કેદીઓને મુક્ત કરવા પડશે. તમને જણાવી દઈએ કે હમાસે 7 ઓક્ટોબરે અચાનક ઈઝરાયેલ પર હુમલો કર્યો હતો. આ હુમલા બાદ તેણે 240 નાગરિકોને બંધક બનાવ્યા હતા. તેમાંથી 200થી વધુ ઇઝરાયલી હતા.
This content is restricted to site members. If you are an existing user, please log in. New users may register below.
