સુરતમાં વિદ્યાર્થીઓથી ભરેલી બસ ખાડામાં ખાબકી, સદનસીબે તમામ બાળકો સુરક્ષિત

(જી.એન.એસ) તા. 2

સુરત,

સુરતમાં વિદ્યાર્થીઓ ભરેલી બસનો અકસ્માત નદીઓ હતો જેમાં એક ખાનગી સ્કૂલની બસ રોડ પર પડેલા ખાડામાં પલટી ખાઇ ગઈ હતી, સદનસીબે આ ઘટનામાં બસમાં સવાર બાળકોને સહીસલામત બહાર કાઢવામાં આવ્યા હતા અને કોઈ પણ જાનહાનિ ના સમાચાર નથી. ખરાબ અને બિસમાર રસ્તાઓ ના કારણે થઈ રહેલા અકસ્માતો ના લીધે વહીવટીતંત્રની બેદરકારીના કારણે લોકો રોષે ભરાયા છે.

સુરતમાં સાંકેત ચોકડી પાસે દાંડી રોડ પર સ્કૂલ બસ પાણીના ખાડામાં ફસાઈ ગઈ હતી. ઓલપાડ તાલુકાના ઓરથાન ગામે આવેલી મહારાજા અગ્રસેન ઈન્ટરનેશનલ સ્કૂલની બસમાં 30 થી 40 વિદ્યાર્થીઓ સવાર હતા. કતારગામ વિસ્તારમાંથી વિદ્યાર્થીઓને સ્કૂલે લઈ જવાતા હતા. ત્યારે દાંડીરોડ પર આ ઘટના બની હતી. રસ્તામાં પોલલેન્ડનું કામ ચાલતું હોવાથી ખાડો ખોદવામાં આવ્યો હતો. જેથી બસ ખાડામાં કાબકી ગઈ હતી. બાળકોને બસનો કાચ તોડી સહીસલામત બહાર કાઢવામાં આવ્યા હતા.