સુરતમાં ક્રિસમસની અનોખી રીતે ઉજવણી, યતીમખાનામાં બાળકોને બ્લેન્કેટનું વિતરણ

(S.yuLk.yuMk)સુરત,તા.૨૭
હાર્ટ્સ એટ વર્ક ફાઉન્ડેશન હેઠળ બાળકોને પ્લાન્ટેશનની ભેંટ આપી ગો-ગ્રીન અભિયાનને પણ આગળ વધાવ્યું
સુરત : હાર્ટ્સ એટ વર્ક દ્વારા ક્રિસમસની અનોખી ઉજવણી કરવામાં આવી હતી. આ અવસરે તેમને સામાજીક એક્તાનો સંદેશો આપતો કાર્યક્રમ ઘડી કાઢ્યો હતો. સંસ્થાના સદસ્યો સાથે મળી અઠવાગેટ સ્થિત યતીમખાના ખાતે ગયા હતા અને ત્યાં 150 જેટલા મુસ્લિમ બાળકોને બ્લેન્કેટનું વિતરણ કર્યું હતું. આ ઉપરાંત અહીંના ટ્રસ્ટી અને સ્ટાફને છોડના વૃક્ષોની ભેંટ આપીને પોતાના ગો-ગ્રીન ઇન્ડિયા અભિયાનને પણ આગળ વધાર્યું હતું.તેમજ બાળકો સાથે કેક કટિંગ કરી ક્રિસમસનીઅનોખી ઉજવણી કરવામાં આવી હતી.
આ પ્રસંગે વિરલ સુધીરભાઈ દેસાઈએ જણાવ્યું હતું કે, ખ્રિસ્તીઓનો પવિત્ર તહેવાર ક્રિસમસ છે જ્યારે તેઓ પોતે હિન્દૂ છે અને તેમને સામાજીક સેવાનું કાર્ય કરીને જ બાળકોને મદદ પોહોંચાડી તે મુસ્લિમ છે. ત્યારે આ પ્રકારની પ્રવૃત્તિ યોજવા પાછળનું કારણ એજ હતું કે ભારત જેવા બિનસાંપ્રદાયિક દેશમાં વિવિધ જાતિ-ધર્મના લોકોની એક્તા વધુ મજબૂત બને સાથેજ પ્લાન્ટેશનની ભેંટ આપી પર્યાવરણ જાળવણી માટેની પહેલ કરવામાં આવી હતી.