(GNS),28
બોલિવૂડમાં ઘણાં એક્ટર્સની કરિયરને સજાવવાની ક્રેડિટ સલમાન ખાનને મળે છે. સલમાનનો સાથ હોય તો ઈન્ડસ્ટ્રીમાં પગ જમાવવાનું અઘરું નથી, તેવું ઘણા લોકો માને છે. જો કે સલમાન ખાનના માર્ગદર્શન હેઠળ બોલિવૂડમાં ડેબ્યુ કરનારી એક્ટ્રેસ ડેઈઝી શાહનો અનુભવ અલગ રહ્યો છે.
૨૦૧૪માં સલમાનની ફિલ્મ જય હોથી ડેબ્યુ કરનારી ડેઈઝી શાહે બાદમાં હેટ સ્ટોરી ૩ અને રેસ ૩ જેવી ફિલ્મોમાં કામ કર્યું હતું. મોટા બેનર અને જાણીતા સ્ટાર્સ સાથે કામ કરવા છતાં પોતાની જાતને સ્ટાર તરીકે સ્થાપિત કરવાનું ડેઈઝી માટે પડકારજનક છે. ડેઈઝી હાલ રિયાલિટી શોમાં આગમન માટે તૈયારી કરી રહી છે.
પોતાની ધીમી કરિયર અંગે અફસોસ વ્યક્ત કરવાના બદલે ડેઈઝીએ સંતોષ વ્યક્ત કર્યો હતો. ડેઈઝી શાહ આગામી સમયમાં રોહિત શેટ્ટીના એડવેન્ચર રિયાલિટી શોમાં આગમન કરવાની છે. ડેઈઝી શાહે એક્ટિંગમાં આવતાં પહેલા કોરિયોગ્રાફર તરીકે શરૂઆત કરી હતી. સલમાનની ફિલ્મ મળ્યા બાદ કરિયર પૂરપાટ ઝડપે આગળ વધવાની આશા હતી. જો કે હાલ જે સ્થિતિ છે, તેના માટે ડેઈઝીને કોઈ ફરિયાદ નથી.
રિયાલિટી શો બાદ હાથ પરના અન્ય કેટલાક પ્રોજેક્ટ્સ પર કામ શરૂ કરવાની ડેઈઝીની ઈચ્છા છે. ડેઈઝી શાહે પોતાની કરિયર અંગે પોઝિટિવ વાત કરતાં કહ્યું હતું કે, રિયાલિટી શોના કારમે વધુ વ્યાપક રીતે ઓડિયન્સ સાથે કનેક્ટ થાની તક મળે છે. તે પોતાની જાતને ખુશ રાખવા માગે છે અને તેને અન્ય લોકોના પ્રમાણપત્રની જરૂર નથી.
પોતાની ચોઈસ અંગે કોઈ ફરિયાદ નહીં હોવાનું જણાવતા ડેઈઝીએ કહ્યું હતું કે, જો દરેકને પોતાની ઈચ્છા પ્રમાણેનું જ મળતું હોત તો દરેક વ્યક્તિ આજે અંબાણી જેવી સમૃદ્ધ હોત. રિયાલિટી શોમાં અન્ય સ્પર્ધકોનો મુકાબલો કરી પોતાને બહેતર સાબિત કરવાના બદલે ડેઈઝી ઈચ્છે છે કે, આ પ્લેટફોર્મની મદદથી તેના વ્યક્તિત્વમાં વધારે નિખાર આવે.
This content is restricted to site members. If you are an existing user, please log in. New users may register below.
