સંજુ સેમસને આંતરરાષ્ટ્રીય કારકિર્દીની પ્રથમ સદી ફટકારી

સંજુ સેમસન દક્ષિણ આફ્રિકા સામે સદી ફટકારી પ્લેયર ઓફ ધ મેચ બન્યો

(જી.એન.એસ),તા.૨૨

તિલક વર્માના આઉટ થયા બાદ સંજુ સેમસની બેટિંગ આવી હતી, અને ગ્રાઉન્ડ પર ઉતરતાની સાથે જ તેને ધૂમ મચાવી હતી. સંજુ સેમસને તેની આંતરરાષ્ટ્રીય કારકિર્દીની પ્રથમ સદી ફટકારી હતી. લાંબા સમય સુધી પિચ પર ટકયા બાદ સંજુ 114 બોલમાં 108 રન બનાવીને આઉટ થયો હતો. સંજુની વિકેટ 246 રનના કુલ સ્કોર પર પડી હતી..

ભારત અને સાઉથ આફ્રિકા વચ્ચેની ત્રણ મેચની વનડે સિરીઝ પૂર્ણ થઈ ગઈ છે. ભારતે છેલ્લી અને નિર્ણાયક વન-ડે ઈન્ટરનેશનલ 78 રનથી જીતીને સિરીઝ પર કબજો કર્યો હતો. સંજુ સેમસને સદી ફટકારી અને ભારતને મેચ જીતવા તરફ લઈ ગયો હતો. મેચની વાત કરીએ તો છેલ્લી મેચમાં દક્ષિણ આફ્રિકાએ ટોસ જીતીને ભારતને પહેલા બેટિંગ આપી હતી.. આ મેચ ભારત જીત્યા બાદ સંજુ સેમસનને પ્લેયર ઓફ ધ મેચ તરીકે પસંદ કરવામાં આવ્યો હતો. ભારતે 50 ઓવરમાં આઠ વિકેટે 296 રન બનાવ્યા હતા જેમાં સેમસને 114 બોલમાં 108 રન બનાવ્યા હતા. જ્યારે તિલક વર્માએ 77 બોલમાં 52 રન બનાવ્યા હતા. રિંકુ સિંહે મહત્વપૂર્ણ યોગદાન આપ્યું અને 27 બોલમાં 38 રન બનાવ્યા.