શ્રી ઉત્તર ગુજરાત વણકર સમાજ પંચ/ પરગણા મહાસંઘ ટ્રસ્ટ, ગાંધીનગર દ્વારા “વણકર ભવન”નું નિર્માણ કુડાસણ ખાતે ભૂમિપૂજન થનાર છે

(જી.એન.એસ),તા.૨૫

ગાંધીનગર,

શ્રી ઉત્તર ગુજરાત વણકર સમાજ પંચ/ પરગણા મહાસંઘ ટ્રસ્ટ, ગાંધીનગર દ્વારા “વણકર ભવન”નું નિર્માણ કુડાસણ ખાતે થનાર છે, જેના ભૂમિપૂજન પ્રસંગે ગાંઘીનગર મહાનગર પાલિકા ના મેયરશ્રી હિતેશભાઈ મકવાણા એ રામકથા મેદાન, સેકટર-૧૧ ખાતે હાજરી આપીને દાતાશ્રીઓ અને કાર્યકર્તાઓનો આભાર વ્યક્ત કર્યો હતો.

આ અવસરે મેયરશ્રી એ જણાવ્યું હતું કે આ ભવનના નિર્માણથી સમાજના સૌ લોકોને ઉત્તમ સુવિધાઓ મળી રહેશે તેમજ સમાજ સેવામાં પણ ઉપયોગી થશે. આ કાર્યક્રમમાં સાંસદશ્રી કિરીટભાઈ સોલંકી, ધારાસભ્યશ્રીઓ, પૂર્વ મંત્રીશ્રીઓ, પૂર્વ ધારાસભ્યશ્રીઓ, હોદેદારશ્રીઓ, સમાજના અગ્રણીઓ, સાધુ – સંતો તેમજ મોટી સંખ્યામાં લોકો ઉપસ્થિત રહ્યા હતા.