શાળા બહારના બાળકોની સર્વે કામગીરીમાં સહકાર આપવા બાબત

કોઈપણ કારણોસર શિક્ષણથી વંચિત 6 થી 19 વર્ષની વય જૂથના બાળકોને ફરી શિક્ષણથી જોડવા નાગરિકોને સહાય કરવા અનુરોધ

(જી.એન.એસ),તા.૦૭

ગાંધીનગર, રાઈટ ટુ એજ્યુકેશન એક્ટ 2009 ની જોગવાઈ મુજબ 6 થી 19 વર્ષની વય જૂથના તમામ બાળકોને મફત અને ફરજિયાત શિક્ષણ મેળવવાનો અધિકાર છે જે અંતર્ગત દર વર્ષે જુદા જુદા કારણોથી શાળા બહાર રહેલા એટલે કે શાળામાં ભણવા ન જતા 6 થી 19 વર્ષની વય જૂથના બાળકો જેઓ પોતાનું ધોરણ 1 થી 12 નું શિક્ષણ પૂર્ણ કરી શક્યા નથી, તેવા બાળકો અને વિશિષ્ટ જરૂરિયાત ધરાવતા બાળકો સહિતના તમામ બાળકોનો સર્વે પ્રક્રિયા તારીખ 16- એપ્રિલ 2024 થી 26 -એપ્રિલ 2024 સુધી હાથ ધરવામાં આવનાર છે.

તો આ સર્વે પ્રક્રિયામાં તમામ નાગરિકોનો સહકાર મળી રહે તે જરૂરી છે. જેથી આવા શાળાએ ન જઈ શકતા બાળકો કોઈ પણ નાગરિકના ધ્યાનમાં આવે તો તેની નજીકની પ્રાથમિક શાળાના આચાર્યશ્રી, સી.આર.સી કો. ઓ અને બી આર સી કો.ઓ ને જાણ કરવા જિલ્લા પ્રોજેક્ટ કો-ઓર્ડીનેટર અને જિલ્લા પ્રાથમિક શિક્ષણ અધિકારી ગાંધીનગર કચેરીની યાદીમાં જણાવવા આવેલ છે.