વલસાડના એસટી વર્કશોપ પાસે સાર્વજનિક નવરાત્રિ મહોત્સવમાં અબ્રામા વિસ્તારમાં રહેતો એક યુવક ઉપર નવરાત્રિના રાઉન્ડ દરમ્યાન આરોપી યુવકે એક વર્ષ પહેલાં લગ્ન પ્રસંગમાં થયેલી સામાન્ય બોલાચાલી બાબતે અદાવત રાખીને અબ્રામા વિસ્તારમાં રહેતા યુવક ઉપર ચપ્પુ વડે જીવલેણ હુમલો કરી આરોપી ભાગી છૂટ્યો હતો. આરોપીને ઝડપી પાડવા પોલીસની અલગ અલગ ટીમ કામ કરી રહી હતી. જે દરમ્યાન મળેલી બાતમીના આધારે આરોપીને વલસાડ સીટી પોલીસના જવાનોએ રેલવે ગોદી વિસ્તારમાંથી આરોપીને ઝડપી પાડ્યો હતો.
વલસાડ સીટી પોલીસે આરોપીની પ્રાથમિક પૂછપરછ કરતા આરોપીએ જૂની અદાવતમાં યુવક ઉપર હુમલો કર્યો હોવાનું જણાવ્યું હતું. વલસાડ એસટી વર્કશોપ પાસે સાર્વજનિક નવરાત્રિ મહોત્સવમાં ગૌરવ દેવીપુજક નામના યુવકે એક વર્ષ જૂની અદાવતમાં નિલેશ ઉપર ચપ્પુ વડે હુમલો કર્યો હોવાનું સામે આવ્યું હતું. વલસાડ એસટી વર્કશોપ પાસે 20 વર્ષ ઉપરાંતથી યોજાતા સાર્વજનિક નવરાત્રિ મહોત્સવમાં નવરાત્રિના 9માં દિવસે રાત્રે અબ્રામા ઝરણા પાર્ક ખાતે રહેતા 28 વર્ષીય નિલેશ નવીન પટેલ ઉપર ગરબાના ચાલુ રાઉન્ડ દરમિયાન નજીકમાં જ રહેતા ગૌરવ દેવીપુજકે ચપ્પુ વડે જીવલેણ હુમલો કર્યો હતો.
ઇજાગ્રસ્ત નિલેશને પ્રાથમિક સારવાર અર્થે સિવિલ હોસ્પિટલમાં ખસેડ્યા બાદ વધુ સારવાર માટે કસ્તુરબા હોસ્પિટલમાં ખસેડાયો હતો. ઘટનાની જાણ સીટી પોલીસને થતા સીટી પોલીસે તાત્કાલિક ઘટનાસ્થળે પહોંચી પ્રાથમિક તપાસ હાથ ધરી હતી. ઇજાગ્રસ્ત નિલેશની પૂછપરછ કરતા ગૌરવ દેવીપુજક સાથે એક વર્ષ અગાઉ પોલીસ હેડ ક્વાર્ટર પાસે રહેતા નિલેશના કાકાના છોકરાના લગ્નમાં થયેલી મારામારીની અદાવતમાં હુમલો કર્યો હોવાનું પ્રાથમિક અનુમાન નિલેશે લગાવ્યું હતું. નિલેશે વલસાડ સીટી પોલીસ મથકે ફરિયાદ નોંધાવ્યા બાદ પોલીસે આરોપીને ઝડપી પાડવા ચક્રો ગતિમાન કર્યા હતા.
જે દરમ્યાન આજરોજ વલસાડ સીટી પોલીસની ટીમને મળેલી બાતમીના આધારે વલસાડ રેલવે સ્ટેશન પાસે આવેલા રેલવે ગોદી વિસ્તારમાં નિલેશ ઉપર હુમલો કરનાર ગૌરવ ફરી રહ્યો હોવાની બાતમી મળી હતી. મળેલી બાતમીના આધારે વલસાડ સીટી પોલીસની ટીમે આરોપી ગૌરવ દેવીપૂજકને ઝડપી પ્રાથમિક પૂછપરછ કરતા.આરોપીએ ગુનાની કબૂલાત કરતા ગૌરવની ધરપકડ કરી આગળની તપાસ હાથ ધરી હતી.
નિલેશ ઉપર હુમલો કર્યા બાદ દાદી મૃત્યુ પામતા દાદીની વિધિ કરવા નવસારી ગયો હતો. નિલેશ ઉપર આક્રોશમાં ચપ્પુ વડે હુમલો કર્યા બાદ પકડાઈ જવાની બીકે વલસાડથી ભાગી ગયો હતો. 2 દિવસ બાદ નવસારી ખાતે રહેતા દાદી મૃત્યુ પામ્યા હોવાની જાણ થતાં તાત્કાલિક ગૌરવ દાદીની અંતિમ ક્રિયા માટે નવસારી પહોંચ્યો હતો.
વલસાડ સીટી પોલોસે 2 અલગ અલગ ટોમો બનાવી શોધખળ કરી રહી હતી. તે દરમિયાન અન્ય એક ટીમમે મળેલી બાતમીના આધારે ઝડપી પાડ્યો હતો.
GNS NEWS
This content is restricted to site members. If you are an existing user, please log in. New users may register below.
