(જી.એન.એસ), તા. ૩
વંથલી નજીક માણાવદર રોડ સ્થિત ઉબેણ નદીના પુલ ઉપર એક મેટાડોરે બે બાઈક ચાલકોને હડફેટે લેતા ભાઈ-બહેન સહિત ત્રણ વ્યક્તિના મૃત્યુ નિપજ્યા છે. બનાવને પગલે અરેરાટી પ્રસરી ગઈ છે.
આ વિશેની મળતી વિગતો અનુસાર વંથલી-માણાવદર રોડ ઉપર ઉબેણ નદીના પુલ ઉપર આજે રોંગ સાઈડમાં પુરઝડપે આવતા જીજે ટીટી 4304 નંબરના મેટાડોર ચાલકે બે બાઈક સવારોને હડફેટે લેતા નવલખી ગામના પરેશ મગનલાલ પરમાર અને મુળ ભાટિયા હાલ સુરત રહેતી તેની સગી બહેન વિલાસબેન અનિલભાઈ બજાણિયાનું ગંભીર ઈજાઓ થવાથી ઘટનાસ્થળે જ મૃત્યુ નિપજ્યું હતું.
પિયર આંટો દેવા આવેલા વિલાસબેન અને તેના ભાઈ પરેશભાઈ બાઈક ઉપર વંથલીથી નવલખી જતા હતાં. જ્યારે અન્ય એક બાઈક ચાલક મુળ માધવપુર હાલ પ્લાસવાના રહેaવાસી ભીમાભાઈ રામભાઈ માવદિયા(ઉ.વ.35)ને સારવાર માટે ગંભીર હાલતમાં જૂનાગઢ ખાતે ખસેડાયા હતાં. પરંતુ અહી તેઓને સારવાર મળે તે પહેલા જ તેમનું પણ મૃત્યુ નિપજ્યું હતું. બનાવને પગલે આ પંથકમાં અરેરાટી પ્રસરી ગઈ છે.
This content is restricted to site members. If you are an existing user, please log in. New users may register below.
