દિવાળીમાં સારી ખરીદી થઈ.. હવે લગ્ન સિઝનમાં મોટાપાયે માલસામાનની ખરીદી થશે : CAIT
વેપારીઓના સંગઠન કોન્ફેડરેશન ઓફ ઓલ ઈન્ડિયા ટ્રેડર્સ (CAIT) એ આશા વ્યક્ત કરી,”માલસામાન અને સેવાઓની નિકાસમાં વધારો અને 4.74 લાખ કરોડનું ટર્નઓવર થઇ શકે!..”
(જી.એન.એસ),તા.૨૨
નવીદિલ્હી
દિવાળીના તહેવારોની સિઝનમાં રેકોર્ડ વેચાણ થયું છે. હવે 23મી નવેમ્બરથી શરૂ થતી લગ્નસરાની સીઝનમાં ગ્રાહકોની માંગને પહોંચી વળવા માટે વેપારી સમુદાય સંપૂર્ણ રીતે તૈયાર છે. વેપારીઓના સંગઠન કોન્ફેડરેશન ઓફ ઓલ ઈન્ડિયા ટ્રેડર્સ (CAIT) એ આશા વ્યક્ત કરી છે કે 23 નવેમ્બરથી શરૂ થનારી આગામી લગ્ન સિઝનમાં દેશભરમાં લગભગ 38 લાખ લગ્નો સંપન્ન થશે જેના પરિણામે દેશમાં માલસામાન અને સેવાઓની નિકાસમાં વધારો થશે. 4.74 લાખ કરોડનું ટર્નઓવર થશે..
CAITએ જણાવ્યું હતું કે આ સિઝનમાં ગ્રાહકો દ્વારા લગ્નની ખરીદી અને વિવિધ સેવાઓની ખરીદી સંબંધિત ખર્ચ ગયા વર્ષની સરખામણીએ લગભગ રૂ. 1 લાખ કરોડ વધુ છે. આ અંદાજો વિવિધ રાજ્યોના 30 શહેરોમાં વેપારી સંસ્થાઓ અને માલસામાન અને સેવાઓના હિતધારકો પાસેથી મળેલા ડેટા પર આધારિત છે..
ભારતીય અર્થતંત્ર માટે શુભ સંકેત પણ મળી શકાય છે અને આ એવો અંદાજ છે કે આ સમયગાળા દરમિયાન (નવેમ્બર 23-ડિસેમ્બર 15) લગભગ 38 લાખ લગ્નો થશે અને કુલ ખર્ચ આશરે 4.7 લાખ કરોડ રૂપિયા થશે, એમ CAITના મહાસચિવ પ્રવીણ ખંડેલવાલે પીટીઆઈને જણાવ્યું હતું. તેમણે કહ્યું કે ગયા વર્ષે લગભગ 32 લાખ લગ્નો થયા અને કુલ ખર્ચ 3.75 લાખ કરોડ રૂપિયા હતો. તેથી, આ વર્ષે (ખર્ચ) અંદાજે રૂ. 1 લાખ કરોડનો વધારો થવાની ધારણા છે જે ભારતીય અર્થતંત્ર અને છૂટક વેપાર માટે સારો સંકેત છે..
CAITએ જણાવ્યું કે આવતીકાલે દેવુથન એકાદશી, 23 નવેમ્બરે લગ્નની સિઝન શરૂ થઈ રહી છે, જે 15 ડિસેમ્બર સુધી ચાલશે. નવેમ્બરમાં લગ્નની તારીખો 23,24,27,28,29 છે જ્યારે ડિસેમ્બરમાં લગ્નની તારીખો 3,4,7,8,9 અને 15 છે. ખંડેલવાલે જણાવ્યું હતું કે આ સિઝનમાં એકલા દિલ્હીમાં ચાર લાખ લગ્નો થવાની ધારણા છે, જેનાથી આશરે રૂ. 1.25 લાખ કરોડનો બિઝનેસ થવાની ધારણા છે..
કોન્ફેડરેશન ઓફ ઓલ ઈન્ડિયા ટ્રેડર્સ (CAIT)ના રાષ્ટ્રીય અધ્યક્ષ બી. સી. ભરતિયા અને રાષ્ટ્રીય મહાસચિવ પ્રવીણ ખંડેલવાલે જણાવ્યું કે આ વર્ષે દિવાળીના તહેવારોની સિઝનમાં દેશભરના બજારોમાં 3.75 લાખ કરોડ રૂપિયાથી વધુનું રેકોર્ડ ટર્નઓવર થયું છે. CAIT જનરલ સેક્રેટરીએ જણાવ્યું હતું કે તમામ તહેવારો પર ગ્રાહકો દ્વારા ભારતીય સામાનની મોટાપાયે ખરીદી કરવામાં આવે છે.
This content is restricted to site members. If you are an existing user, please log in. New users may register below.
