રાષ્ટ્રપતિ બાઈડન હવાઈ પહોંચ્યા, આગથી તબાહ થયેલા વિસ્તારની મુલાકાત લીધી

(GNS),22

યુએસ પ્રમુખ જો બાઈડન અને ફર્સ્ટ લેડી જીલ બાઈડને સોમવારે હવાઈના લાહૈનામાં જંગલમાં લાગેલી આગથી તબાહ થયેલા વિસ્તારની મુલાકાત લીધી હતી. આગમાં ગયા અઠવાડિયે લાહૈનાના માઉ રિસોર્ટ ટાઉનનો મોટો ભાગ નાશ પામ્યો હતો અને ઓછામાં ઓછા 110 લોકો માર્યા ગયા હતા. રાષ્ટ્રપતિ બાઈડન અને જીલ બાઈડને અહીં થયેલા નુકસાનનો હિસાબ લીધો અને પીડિતો અને ફેડરલ, રાજ્ય અને સ્થાનિક અધિકારીઓ સાથે મુલાકાત કરી. અધિકારીઓએ જણાવ્યું હતું કે, આગમાં 2,200 ઇમારતો નાશ પામી હતી અને અંદાજે 5.5 બિલિયનનું નુકસાન થયું હતું. જો બાઈડને ગયા અઠવાડિયે હવાઈમાં આગની ઘટનાને મોટી દુર્ઘટના તરીકે જાહેર કરી હતી. રાષ્ટ્રપતિ જો બાઈડને સોશિયલ મીડિયા પર લખ્યું છે કે હું હવાઈના લોકોને આ આપત્તિમાંથી બહાર આવવા માટે જરૂરી બધું પ્રદાન કરવા માટે પ્રતિબદ્ધ છું. અને વિપક્ષ તેમની ટીકા કરી રહ્યો છે.