રાજસ્થાન ભાજપના પ્રદેશ પ્રમુખ સીપી જોશીએ પોતાના પદ પરથી રાજીનામું આપવાની જાહરાત કરી

(જી.એન.એસ) તા. 25

જયપુર,

હાલ ના સમયે ચિત્તોડગઢ લોકસભા સીટના સાંસદ સીપી જોશી રાજસ્થાનમાં પ્રદેશ અધ્યક્ષનું પદ સંભાળી રહ્યા છે. પરંતુ હવે તેમણે પ્રદેશ પ્રમુખ પદેથી રાજીનામું આપવાની ઓફર કરી છે. તેમણે કહ્યું છે કે તેમનું રાજીનામું એક વ્યક્તિ એક પદની ફોર્મ્યુલા હેઠળ સ્વીકારવામાં આવે. જોકે, તેમનું રાજીનામું સ્વીકારવામાં આવ્યું છે કે નહીં તેની પુષ્ટિ થઈ નથી. સીપી જોશીએ હાઈકમાન્ડ પાસે રાજીનામું સ્વીકારવાની માંગ કરી છે. આ સાથે જ સીપી જોશીના રાજીનામાની ઓફરને લઈને રાજકીય વર્તુળોમાં એવી ચર્ચા છે કે હવે કિરોડી લાલ મીણાને તક આપવામાં આવી શકે છે.

રાજસ્થાનમાં આ વર્ષના અંત પહેલા પાંચ બેઠકો પર પેટાચૂંટણી યોજાવાની છે. આવી સ્થિતિમાં જ્ઞાતિ સમીકરણ ઉકેલવા માટે ટૂંક સમયમાં પ્રદેશ પ્રમુખ બદલવામાં આવશે. સુત્રોએ જણાવ્યું કે, ભાજપના આગામી પ્રદેશ અધ્યક્ષ મૂળ OBC સમુદાયમાંથી હોઈ શકે છે. રાજસ્થાનમાં જે પાંચ વિધાનસભા સીટો પર પેટાચૂંટણી યોજાવાની છે તે છે ઝુંઝુનુ, દૌસા, દેવલી-ઉનિયારા, ખિનવસર અને ચૌરાસી. લોકસભાની ચૂંટણીમાં ભાજપને નુકસાન વેઠવું પડ્યું હતું. આવી સ્થિતિમાં ભાજપ કોઈ જોખમ લેવા માંગશે નહીં.

જો કે, આ પહેલીવાર નથી જ્યારે ભાજપના રાજસ્થાન અધ્યક્ષ સીપી જોશીએ પદ પરથી રાજીનામું આપવાની જાહેરાત કરી હોય. અગાઉ ગત વર્ષે યોજાયેલી વિધાનસભાની ચૂંટણીના પરિણામો બાદ તેમણે પદ છોડવાની જાહેરાત કરી હતી.

જો પ્રદેશ પ્રમુખ પદેથી સીપી જોશી રાજીનામુ આપે છે જેના બાદ રાજકીય વર્તુળોમાં ચર્ચા શરૂ થઈ છે કે હવે કિરોરીલાલ મીણાને આ પદની જવાબદારી સોંપવામાં આવી શકે છે. કિરોરી લાલ મીણાએ રાજસ્થાન સરકારમાં મંત્રી પદ પરથી રાજીનામું આપી દીધું છે. તેઓ ભાજપ હાઈકમાન્ડના નિર્ણયની રાહ જોઈ રહ્યા છે. કિરોરી લાલ મીણા પહેલા જ કહી ચુક્યા છે કે તેઓ 10 વર્ષ સુધી સક્રિય રાજકારણથી દૂર રહેવા માંગતા નથી.

એવું માનવામાં આવે છે કે જો સંગઠનમાં બધું બરાબર રહ્યું તો કિરોરીલાલ મીણાને પ્રદેશ અધ્યક્ષ બનાવવામાં આવી શકે છે.

આ બાબતે સુત્રોએ જણાવ્યું હતું કે, રાજસ્થાન ભાજપના પ્રદેશ અધ્યક્ષ જોશી છેલ્લા કેટલાક દિવસોથી દિલ્હીમાં છે અને તેમણે કેન્દ્રીય ગૃહ પ્રધાન અમિત શાહ અને ભાજપના રાષ્ટ્રીય અધ્યક્ષ જેપી નડ્ડા સાથે પણ મુલાકાત કરી છે. સીપી જોશી ચિત્તોડગઢના સાંસદ છે. સુત્રોએ જણાવ્યું કે, તેમણે ભાજપ હાઈકમાન્ડને કહ્યું છે કે, તેઓ સાંસદ છે અને પાર્ટીમાં એક વ્યક્તિ અને એક પદની પરંપરા છે. એટલા માટે તે પદ છોડવા માંગે છે.