રાજકોટમાં થોડા દિવસ પહેલા 6 વર્ષના માસૂમ બાળક રોહનની હત્યાનો ચકચારી બનાવ બનવા પામ્યો હતો. આમાં માસૂમની હત્યા તેના જ મોટાબાપા કર્યાનો ઘટસ્ફોટ થયો હતો. આજે આ બાળકના મૃતદેહનું રિ- પોષ્ટમોર્ટમ કરવામાં માટે મેજીસ્ટ્રેટની હાજરીમાં બહાર કાઢવામાં આવી રહ્યો છે. ફોરેન્સિક પેનલ દ્વારા આ મૃતદેહનું પીએમ કરવામાં આવશે.
બેડી નજીક દફનાવાયેલા રોહનના મૃતદેહને આજે બહાર કાઢીને ફોરેન્સિક નિષ્ણાંતો પાસે કરશે. માલવીયાનગર પોલીસના સુત્રોમાંથી પ્રાપ્ત વિગતો મુજબ ગત તા.20ના રોજ રોહનની તેના ઘરે છત પરથી લાશ મળી હતી તે શંકાસ્પદ બીન હતી. તપાસ દરમિયાન કુદરતી મોત નહીં પરંતુ હત્યા જ હોવાનું ખુલ્યું અને હત્યા ઘરના જ ઘાતકી સમાન મોટાબાપુએ કર્યાનું ખુલતાં પી.આઈ. સોલંકી સહિતનાએ આરોપી જીજ્ઞોશની ધરપકડ કરી હતી.
પોલીસે જીજ્ઞોશને બે દિવસના રિમાન્ડ પર મેળવ્યો છે. આરોપી જીજ્ઞેશ દેવાદારોથી બચવા માટે કાંઈપણ કરી નાખવા માટે ક્રુર બન્યો હતો. પહેલા તો પોતાના પુત્રની જ હત્યા કરવાનો પ્લાન હતો પરંતુ એ ટયુશન ગયો હોવાથી બચી ગયો અને ભત્રીજાનો ભોગ લેવાયો હતો. આજે એસ.ડી.એમ.ની મંજુરી મળતાં આજે બેડી ખાતેથી રોહન દફનાવાયેલો મૃતદેહ બહાર કાઢીને રિ પી.એમ. કરાવાશે. જે તે સમયે પણ પેનલ ઓફ ડોક્ટર્સ મારફત પી.એમ. થયું હતું પરંતુ મોતનું કોઈ સ્પષ્ટ કારણ બહાર આવ્યું ન હતુ.
પોલીસ સમક્ષ પોપટ બની ગયેલા જિગ્નેશે આપેલી કેફીયત મુજબ તેના પર દેણું થઈ ગયું હતું લેણદારો વધી ગયા હતાં. પોતે દેવામાંથી બહાર નીકળી શકે તેવા સંજોગો દેખાતા ન હતા અને લેણદારો હેરાન કરતા હોવાથી જો બાળકની હત્યા કરે તો પરિવાર શોકમાં આવી જાય અને લેણદારો ઉઘરાણીએ આવે નહીં તેવા ક્રુર વિચાર સાથે નાનાભાઈના પુત્રની હત્યાનો પ્લાન બનાવ્યો હતો. તે તા. 20ના રોજ રોહનને બોલાવીને છત પર લઈ ગયો હતો.
This content is restricted to site members. If you are an existing user, please log in. New users may register below.
