(જી.એન.એસ),તા.૧૯
મુંબઈ,
ભારતીય ક્રિકેટ ટીમના ઓલરાઉન્ડર રવિન્દ્ર જાડેજાએ ઈંગ્લેન્ડ ક્રિકેટ ટીમ સામે રાજકોટ ટેસ્ટમાં શાનદાર બોલિંગ કરી અને 5 વિકેટ (5/41) લીધી. ઈંગ્લિશ ટીમ સામે જાડેજાની આ બીજી 5 વિકેટ છે. તેની શાનદાર બોલિંગને કારણે મુલાકાતી ટીમ બીજી ઈનિંગમાં 122 રનમાં સમેટાઈ ગઈ હતી અને ભારતે મેચ જીતીને સિરીઝમાં 2-1ની લીડ મેળવી હતી. જીતવા માટેના 557 રનના ટાર્ગેટનો પીછો કરતી વખતે ઈંગ્લેન્ડના બેટ્સમેનો નિરાશ થયા હતા. જાડેજાએ 3 નંબર પર બેટિંગ કરવા આવેલા ઓલી પોપ (3)ના રૂપમાં પોતાની પહેલી વિકેટ લીધી હતી. આ પછી તેને જો રૂટ (7), જોની બેરસ્ટો (4) અને બેન ફોક્સ (16)ના રૂપમાં પ્રમુખ બેટ્સમેનોને પેવેલિયનનો રસ્તો બતાવ્યો.
આ પછી રવિન્દ્ર જાડેજાએ માર્ક વુડ (33)ને આઉટ કર્યો. તેને ઈંગ્લેન્ડની પ્રથમ ઈનિંગમાં 2 વિકેટ ઝડપી હતી. રવિન્દ્ર જાડેજાએ 12.4 ઓવરમાં 41 રન આપીને 5 બેટ્સમેનોને પોતાનો શિકાર બનાવ્યા હતા. રાજકોટ ટેસ્ટ મેચમાં ભારતે 434 રને જીત મેળવી હતી અને રવિન્દ્ર જાડેજાને તેના ઓલરાઉન્ડ પ્રદર્શન માટે પ્લેયર ઓફ ધ મેચ જાહેર કરવામાં આવ્યો હતો. રવિન્દ્ર જાડેજાએ 70 મેચની 132 ઈનિંગ્સમાં 24થી વધુની એવરેજથી 287 વિકેટ લીધી છે. આ દરમિયાન તેને 13 વખત 5 વિકેટ અને બે વખત મેચમાં 10 વિકેટ ઝડપી છે. રસપ્રદ વાત એ છે કે જાડેજાએ પોતાના ફર્સ્ટ ક્લાસ કરિયરમાં 500થી વધુ વિકેટ ઝડપી છે.
This content is restricted to site members. If you are an existing user, please log in. New users may register below.
