ગામના આરોગ્ય કેન્દ્ર પર નિ:શુલ્ક સારવાર મેળવી ટી.બી ને માત આપતા જીતેન્દ્રભાઈ ડાભીની વાત તેમનાજ શબ્દોમાં
(જી.એન.એસ),તા.૦૨
ગાંધીનગર,
ગાંધીનગર જિલ્લાના દેહગામ તાલુકામાં આવેલ ઝાક ગામના વતની જીતેન્દ્રભાઈ જે. ડાભી વિકસિત ભારત સંકલ્પ યાત્રા દરમિયાન ‘મેરી કહાની મેરી જુબાની’ અંતર્ગત પોતાની આપવીતી જણાવતા કહે છે કે, થોડા સમય પહેલા તેમને ગાલના અંદરના ભાગે ગાંઠ જેવું લાગતા ખાનગી દવાખાને પહોંચી તેની તપાસ કરાવી હતી. જેના નિદાનમાં આ ગાંઠ ટીબીની હોવાની તેમને જાણ થઇ.આ જાણી સારવારના ખર્ચ અંગે ઘણી ચિંતા થઈ ત્યારે ખાનગી દવાખાનામાંથી તેમને જાણવા મળ્યું હતું કે આ ટી.બીની ગાંઠ મટાડવા જે દવાઓ થશે તેનો ખર્ચ ઘણો છે. આજ ટ્રીટમેન્ટ અને દવા તેમને ગામના આરોગ્ય કેન્દ્ર પર નિશુલ્ક મળશે. તે સાંભળી જીતેન્દ્રભાઈ અને તેમના પરિવારે આરોગ્ય કેન્દ્રનો સંપર્ક કર્યો. ત્યાંના તબીબો દ્વારા તેમના રિપોર્ટ જોઈ નિશ્ચિંત રહેવા જણાવાયું અને દવાનો કોર્સ ચાલુ કરવામાં આવ્યો. 6 મહિનામાં આ કોર્સ પછી જીતેન્દ્રભાઈ આજે સંપૂર્ણપણે સ્વસ્થ છે. તેમને હવે ટીબીની કોઈ ગાંઠ કે અસર રહી નથી. તેમણે આરોગ્ય કેન્દ્રના તબીબો તથા રાજ્ય સરકારનો નિ:શુલ્ક સારવાર આપવા બદલ આભાર વ્યક્ત કર્યો. તેઓ જણાવે છે કે સામાન્ય નાગરિકોના સ્વાસ્થ્યનું ધ્યાન રાખવા આયુષ્માન યોજના જેવી ઘણી યોજનાઓ સરકાર દ્વારા અમલી કરાઈ છે. ઉપરાંત નાના ગામના આરોગ્ય કેન્દ્રમાં પણ એવી સુવિધા અને તાલીમબદ્ધ સ્ટાફ છે કે ગરીબમાં ગરીબ માણસ પણ હવે સ્વાસ્થ્યની બાબતમાં થતા ખર્ચાથી નિશ્ચિંત બન્યા છે.
This content is restricted to site members. If you are an existing user, please log in. New users may register below.
