(જી.એન.એસ) તા. 11
લીલોન્ગવે,
મલાવીના ઉપરાષ્ટ્રપતિ અને અન્ય નવ લોકોને લઈ જતું લશ્કરી વિમાન ચિકાંગાવાની પહાડીઓમાં ક્રેશ થયું હતું. આ દુર્ઘટના અંગે મળતી માહિતી મુજબ ઉત્તરી મલાવીના પર્વતીય વિસ્તારમાં વિમાનનો સંપર્ક તૂટી ગયો હતો. મલાવીની પ્રથમ મહિલા પણ વિમાનમાં સવાર હતી. ઘણા કલાકોના સર્ચ ઓપરેશન બાદ પ્લેનનો કાટમાળ મળી આવ્યો હતો. રાષ્ટ્રપતિ કાર્યાલયે જણાવ્યું હતું કે ઉપરાષ્ટ્રપતિ સોલોસ ચિલિમાને લઈ જતું વિમાન રાજધાની લિલોંગવેથી રવાના થયું હતું પરંતુ ઉત્તરમાં લગભગ 370 કિલોમીટર દૂર આવેલા મઝુઝુ ઈન્ટરનેશનલ એરપોર્ટ પર પહોંચ્યું ન હતું. પ્લેન આ એરપોર્ટ પર લેન્ડ થવાનું હતું.
મલાવીના પ્રમુખ લાઝારસ ચકવેરાના કાર્યાલયે એક નિવેદનમાં જણાવ્યું હતું કે ઉડ્ડયન અધિકારીઓનો વિમાન સાથે સંપર્ક તૂટી ગયો હતો. ચકવેરાએ સર્ચ ઓપરેશન શરૂ કરવાનો આદેશ આપ્યો હતો, નિવેદનમાં જણાવાયું છે. ચકવેરાએ બહામાસનો તેમનો પ્રવાસ રદ કર્યો છે.
આ દુર્ઘટના બાબે ટ્રાફિક કંટ્રોલનું કહેવું છે કે તેણે પાયલટને ખરાબ હવામાન અને ઓછી વિઝિબિલિટીના કારણે લેન્ડિંગ ન કરવા જણાવ્યું હતું. થોડી વાર પછી પ્લેન રડાર પર દેખાતું બંધ થઈ ગયું. મલાવીના રાષ્ટ્રપતિએ કહ્યું, આ ખૂબ જ દુઃખદ સ્થિતિ છે. તમને જણાવી દઈએ કે મે મહિનામાં ઈરાનના રાષ્ટ્રપતિ ઈબ્રાહિમ રાયસીનું પણ વિમાન દુર્ઘટનામાં મોત થયું હતું. તેઓ એક ડેમનું ઉદ્ઘાટન કરીને પરત ફરી રહ્યા હતા. રસ્તામાં તેમના હેલિકોપ્ટરને અકસ્માત નડ્યો.
This content is restricted to site members. If you are an existing user, please log in. New users may register below.
