ભાવનગર લોકલ ક્રાઈમ બ્રાન્ચની ટીમે શહેરમાં પેટ્રોલીંગ દરમિયાન વિઠ્ઠલવાડી પેટ્રોલપંપ પાસેથી અમદાવાદ જિલ્લાના બાવળા ગામના એક બાઈક ચોરને ઝડપી ભાવનગર, અમદાવાદ, સુરત, બોટાદ સહિતના જિલ્લાઓમાં થયેલી કુલ 32થી વધુ બાઈક ચોરીનો ભેદ ઉકેલી રૂપિયા 9 લાખ 15 હજારનો મુદ્દામાલ કબ્જે કર્યો છે. આ સમગ્ર બનાવ અંગે એલસીબી કચેરીએથી જાણવા મળતી વિગતો અનુસાર, ભાવનગર લોકલ ક્રાઈમ બ્રાન્ચની ટીમ તથા પેરોલ ફર્લો સ્કવોડ શહેરના વિવિધ વિસ્તારોમાં પેટ્રોલીંગમાં હતી.
તે દરમિયાન વિઠ્ઠલવાડી પેટ્રોલપંપથી નિર્મળનગર તરફ જવાના રોડપરથી એક શંકાસ્પદ બાઈક ચાલકને અટકમાં લઈ તેનું નામ-સરનામું, ધંધો તથા બાઈકના દસ્તાવેજ તપાસ માટે માગ્યા હતા. આથી શખ્સે પોતાનું નામ રાજુ નટવરલાલ મિસ્ત્રી ઉ.54 રે.કૃષ્ણનગર સોસાયટી પ્લોટનં-21 ધોળકા રોડ બાવળા ગામ હાલ ધંધૂકા તાલુકાના રાયકા ગામે ભાડાના મકાનમાં હોવાનું જણાવ્યું હતું તથા બાઈકના કાગળો અંગે સંતોષકારક જવાબ ન આપી શકતા પોલીસ મથકે લાવી સઘન પૂછપરછ કરતાં તેના કબ્જામાં રહેલી બાઈક શહેરના એક વિસ્તારમાંથી ચોરી કરી ફેરવતો હોવાની કેફિયત આપી હતી.
એલસીબીના જવાનોએ વધુ પૂછતાછ કરતાં તેણે ભાવનગર, સુરત, અમદાવાદ, બોટાદ સહિતના જિલ્લામાંથી કુલ 32 બાઈક ચોરી કરી હોવાનું જણાવ્યું હતું. આથી ટીમે 32 સ્પ્લેન્ડર બાઈક રૂપિયા 9 લાખ 15 હજારનો મુદ્દામાલ કબ્જે કરી વધુ તપાસ હાથ ધરી હતી. આ શખ્સ માત્ર સ્પ્લેન્ડર બાઈકની જ ચોરી કરતો અને આ કામમાં આગવી માસ્ટરી ધરાવતો હોવાનું પણ જાણવા મળ્યું છે.
GNS NEWS
This content is restricted to site members. If you are an existing user, please log in. New users may register below.
