ભારતીય અર્થવ્યવસ્થા કાર જેવી છે જેના ત્રણ ટાયરમાં પંક્ચર છે : પી.ચિદમ્બરમ્

(જી.એન.એસ.)ન્યુ દિલ્હી,તા.૪
મોદી સરકારના કેન્દ્રમાં 4 વર્ષ પૂર્ણ થવા પર કોંગ્રેસ તરફથી કેન્દ્ર સરકારની આર્થિક નીતિ હંમેશાથી નિશાના પર રહી છે. જેના મામલે હાલમાં પૂર્વ કેન્દ્રીય નાણામંત્રી અને કોંગ્રેસના વરિષ્ઠ નેતા પી ચિદમ્બરમે કહ્યું કે, ભારતીય અર્થવ્યવસ્થા એક એવી કાર જેવી છે કે જેના 3 ટાયરમાં પંક્ચર છે. તેમને દેશમાં સતત વધી રહેલા મોંઘવારી અને ખેડૂતોની સમસ્યાને મામલે મોદી સરકારને આડે હાથ લીધી હતી.
કોંગ્રેસના મહારાષ્ટ્રમાં આયોજિત એક કાર્યક્રમને સંબોધિત કરતા ચિદમ્બરમે કહ્યું કે, પ્રાઈવેટ ઈનવેસ્ટમેન્ટ, પ્રાઈવેટ કંઝમ્પશન, એક્સપોર્ટ અને સરકારી ખર્ચ અર્થવ્યવસ્થાના 4 ગ્રોથ એન્જીન છે. આ કોઈ કારના ટાયરોની જેમ છે.