ભારતનું પ્રતિનિધિત્વ કરતા અમદાવાદના આરવ રાજપૂતે બ્લેક બેલ્ટ સિનિયર કેટેગરીમાં ગોલ્ડ મેડલ મેળવ્યો

(G.N.S) Dt. 1

અમદાવાદ,

દુબઈ ઇન્ટરનેશનલ કરાટે ચેમ્પિયનશિપમાં ગુજરાતનું નામ ઝળક્યું, અગાઉ પણ આરવ રાજપૂત કરાટે ચેમ્પિયનશિપમાં ભારતને સિદ્ધિ અપાવી ચૂક્યો છે.

તાજેતરમાં તા.27 એપ્રિલથી 30 એપ્રિલ સુધી યોજાયેલ દુબઈ ઇન્ટરનેશનલ કરાટે ચેમ્પિયનશિપમાં અમદાવાદના આરવ રાજપૂતે સમગ્ર દેશનું નામ રોશન કર્યું છે. ભારત તરફથી પ્રતિનિધિત્વ કરનાર અમદાવાદના આરવ રાજપૂતે બ્લેક બેલ્ટ સિનિયર કેટેગરીમાં ગોલ્ડ મેડલ મેળવ્યો છે.

આરવ રાજપૂતે બ્લેક બેલ્ટ સિનિયર કેટેગરીમાં 61 to 65 Kg ની અંદર પાંચ જેટલા દેશો નાઇજેરિયા, પાકિસ્તાન, કઝાકિસ્તાન, શ્રીલંકા અને મલેશિયાને હરાવી ભારતને ગોલ્ડ મેડલ અપાવ્યો છે જે ગૌરવપૂર્ણ વાત છે.

આ સિદ્ધિ અંગે આરવ રાજપૂતે જણાવ્યું હતું કે, ઈન્ટરનેશનલ ચેમ્પિયનશિપ જીતવા સુધીની સફરમાં તેમના કોચ જયદેવ શર્માનો મહત્વનો ફાળો રહ્યો છે.

અગાઉ પણ અમદાવાદના આરવ રાજપૂતે ઇન્ટરનેશનલ કરાટે ચેમ્પિયનશિપમાં બે વખત ભારતને ગોલ્ડ મેડલ અપાવ્યો હતો.