(જી.એન.એસ) તા. 12
2024 ના ટી20 વર્લ્ડ કપમાં અત્યાર સુધીમાં 24 મેચો પૂર્ણ થઈ ચૂકી છે. આ ટૂર્નામેન્ટમાં 20 ટીમો રમી રહી છે, જેની નજર સુપર-8માં પહોંચવા પર છે. પરંતુ આ ટુર્નામેન્ટની વચ્ચે 2 ટીમો સુપર-8ની રેસમાંથી બહાર છે. આ બંને ટીમો ગ્રુપ સ્ટેજમાં કંઈ અદભૂત પ્રદર્શન કરી શકી ન હતી. આવી સ્થિતિમાં આ ટીમોની સફર માત્ર ગ્રુપ સ્ટેજ સુધી જ રહેશે. આ ટીમો ગ્રૂપ સ્ટેજમાં તેમની બાકીની મેચો રમીને ટૂર્નામેન્ટમાંથી બહાર થઈ જશે.
વર્લ્ડ કપ 2024ની 24મી મેચમાં ઓસ્ટ્રેલિયા અને નામિબિયાની ટીમો સામસામે આવી હતી. આ મેચમાં નામિબિયાને મોટી હારનો સામનો કરવો પડ્યો હતો. આ ટૂર્નામેન્ટમાં નામિબિયાની આ બીજી હાર છે અને અત્યાર સુધી તે માત્ર 1 મેચ જીતવામાં સફળ રહી છે. આવી સ્થિતિમાં તે હવે સુપર-8ની રેસમાંથી બહાર થઈ ગઈ છે. આ સાથે જ ઓમાનની ટીમ સુપર-8ની રેસમાંથી પહેલા જ બહાર થઈ ગઈ છે. ટી20 વર્લ્ડ કપ 2024માં તેને હજુ સુધી એક પણ જીત મળી નથી.
નામિબિયા અને ઓમાનની ટીમો ગ્રુપ-બીમાં છે. આવી સ્થિતિમાં હવે આ ગ્રુપમાં સુપર-8ની રેસમાં માત્ર 3 ટીમો જ બાકી છે. જેમાંથી ઓસ્ટ્રેલિયાએ સુપર-8માં પોતાનું સ્થાન નિશ્ચિત કરી લીધું છે. હવે બાકી રહેલી એક જગ્યા માટે સ્કોટલેન્ડ અને ઈંગ્લેન્ડ વચ્ચે સ્પર્ધા થશે. સ્કોટલેન્ડના 3 મેચમાં 5 પોઈન્ટ છે. આ સાથે જ ઈંગ્લેન્ડનો 2 મેચમાં માત્ર એક પોઈન્ટ છે. આવી સ્થિતિમાં ઇંગ્લેન્ડ માટે સુપર-8માં પહોંચવું ઘણું મુશ્કેલ લાગી રહ્યું છે. જો તે એક મેચ પણ હારી જશે તો તે સુપર-8ની રેસમાંથી બહાર થઈ જશે. સાથે જ સ્કોટલેન્ડની જીત પણ ઈંગ્લેન્ડને ખતમ કરી શકે છે.
આ મેચમાં ઓસ્ટ્રેલિયાએ ટોસ જીતીને પ્રથમ બોલિંગ કરવાનો નિર્ણય કર્યો જે સાચો સાબિત થયો. નોર્થ સાઉન્ડના સર વિવિયન રિચર્ડ્સ સ્ટેડિયમમાં રમાયેલી મેચમાં પ્રથમ બેટિંગ કરવા ઉતરેલી નામિબિયાની ટીમ માત્ર 72 રનમાં ઓલઆઉટ થઈ ગઈ હતી. જવાબમાં ઓસ્ટ્રેલિયાએ 5.4 ઓવરમાં એક વિકેટે 74 રન બનાવ્યા હતા અને મેચ નવ વિકેટે જીતી લીધી હતી. આ મેચમાં ઓસ્ટ્રેલિયાની જીતનો હીરો એડમ ઝમ્પા હતો જેણે માત્ર 12 રન આપીને ચાર વિકેટ ઝડપી હતી.
This content is restricted to site members. If you are an existing user, please log in. New users may register below.
