(જી.એન.એસ),તા.૩૧
હાર્દિક પંડ્યા ભલે ક્રિકેટ ફિલ્ડથી દૂર હોય પરંતુ તે સતત સમાચારોમાં રહે છે. ટીમ ઈન્ડિયાનો આ ક્રિકેટર હાલમાં પોતાની ફિટનેસ પર સખત મહેનત કરી રહ્યો છે અને ઈજામાંથી સાજા થવાનો સમય હવે અંતિમ તબક્કામાં પહોંચી ગયો છે. હાર્દિક પંડ્યાનો એક વીડિયો સોશિયલ મીડિયા પર વાયરલ થઈ રહ્યો છે જેમાં તે પોતાની ફિટનેસ પર સખત મહેનત કરતો જોવા મળી રહ્યો છે. વાઈરલ વીડિયોમાં તેણે તેની વર્કઆઉટ રૂટિન પણ ફેન્સ સાથે શેર કરી છે જે ખૂબ જ તીવ્ર છે. પંડ્યાએ કોઈપણ ભોગે IPL 2024માં પુનરાગમન કરવું પડશે કારણ કે તેને મુંબઈ ઈન્ડિયન્સનો નવો કેપ્ટન બનાવવામાં આવ્યો છે. ફ્રેન્ચાઈઝીએ રોહિતની જગ્યાએ પંડ્યાને કેપ્ટનશિપ સોંપી છે. હાર્દિક પંડ્યાએ પોતાના વર્કઆઉટનો વીડિયો સોશિયલ મીડિયા પર શેર કર્યો છે જેમાં તે શર્ટલેસ ટ્રેનિંગ કરી રહ્યો છે. પંડ્યાની વર્કઆઉટ રૂટિન વિશે ખાસ વાત એ છે કે સ્ટ્રેન્થ ટ્રેનિંગને બદલે તે પોતાના શરીરની સ્પીડ અને ફ્લેક્સિબિલિટી પર વધુ કામ કરી રહ્યો છે. આ કારણે તેનું શેડ્યુલ અન્ય ખેલાડીઓથી થોડું અલગ છે.
પંડ્યાનું રૂટિન હાઈ ઈન્ટેન્સિટી વર્કઆઉટનું છે. જેમાં તે 15 સેકન્ડ સુધી બાઈક પર દોડે છે, ત્યારબાદ તે દોરડાં ચલાવે છે. તે સ્કિપિંગ જેવી કસરતો પણ કરી રહ્યો છે. એકંદરે, આ વર્કઆઉટ હાર્દિક પંડ્યાનો સ્ટેમિના પણ વધારી રહ્યો છે. ચોક્કસ પંડ્યા મુંબઈ ઈન્ડિયન્સને જીતાડવા અને પોતાને સાબિત કરવા માટે ખૂબ મહેનત કરી રહ્યો છે. મુંબઈ ઈન્ડિયન્સે હાર્દિક પંડ્યાને ગુજરાત ટાઈટન્સ પાસેથી 17 કરોડ રૂપિયામાં ટ્રેડ કરી ફરી ટીમમાં સામેલ કર્યો છે. છેલ્લી બે સિઝનમાં પંડ્યા ગુજરાત ટાઈટન્સનો કેપ્ટન હતો જેમાં એક વખત તેણે ટીમને ચેમ્પિયન બનાવી જ્યારે બીજી સિઝનમાં ટીમ ફાઈનલમાં પહોંચી હતી. પંડ્યાની આઈપીએલ કારકિર્દીની શરૂઆત મુંબઈ ઈન્ડિયન્સથી થઈ હતી પરંતુ ટીમે તેને છોડી દીધો હતો. હવે ફરી એકવાર પંડ્યા મુંબઈ પરત ફર્યા છે, હવે જોવાનું એ રહે છે કે આ ઓલરાઉન્ડર શું કરી શકે છે.
This content is restricted to site members. If you are an existing user, please log in. New users may register below.
