ઓલિમ્પિકમાં મેડલ જીતનારી પહેલી ભારતીય શૂટર બની છે મનુ ભાકર
(જી.એન.એસ) તા. 28
આપના દેશની સ્ટાર મહિલા શૂટર મનુ ભાકરે પેરિસ ઓલિમ્પિક 2024માં ભારત માટે પ્રથમ મેડલ જીતવામાં સફળ રહી હતી. 22 વર્ષની મનુએ ઈતિહાસ રચ્યો અને 10 મીટર એર પિસ્તોલ ઈવેન્ટમાં બ્રોન્ઝ મેડલ જીત્યો છે. ઓલિમ્પિકમાં મનુ ભાકરનો આ પહેલો મેડલ છે. ગત્ત ઓલિમ્પિક એટલે કે, ટોક્યો ઓલિમ્પિકમાં કોઈ પણ ઈવેન્ટમાં મનુ ભાકર ક્વોલિફાય કરી શકી ન હતી. મનુ ભાકર ભારત માટે શૂટિંગમાં મેડલ જીતનારી પહેલી મહિલા ખેલાડી બની છે. બ્રોન્ઝ મેડલ મેળવીને 2024 ના પેરિસ ઓલિમ્પિકમાં ભારતની નામના વધારી છે.
મનુ ભાકર કુલ 580 પોઈન્ટ સાથે 60 શોટના ક્વોલિફાઈંગ રાઉન્ડમાં ત્રીજા ક્રમે રહી હતી. ભાકરે પ્રથમ શ્રેણીમાં 97, બીજીમાં 97, ત્રીજીમાં 98, ચોથીમાં 96, પાંચમી શ્રેણીમાં 96 અને છઠ્ઠી શ્રેણીમાં 96 ગુણ મેળવ્યા હતા. રિધમ સાંગવાન પણ મહિલાઓની 10 મીટર એર પિસ્તોલ સ્પર્ધામાં ભાગ લઈ રહી હતી, પરંતુ તેણે નિરાશ કર્યું. રિધમ 573 પોઈન્ટ સાથે 15મા સ્થાને છે. આઠ શૂટરો ફાઇનલમાં જગ્યા બનાવી ચૂક્યા છે.
22 વર્ષની મનુ ભાકર પેરિસ 2024 ઓલિમ્પિક શૂટિંગ સ્પર્ધામાં મહિલાઓની 10 મીટર એર પિસ્તોલ, 10 મીટર એર પિસ્તોલ મિશ્રિત ટીમ અને મહિલાઓની 25 મીટર પિસ્તોલ સ્પર્ધામાં ભાગ લીધો હતો. તે 21-સભ્ય ભારતીય શૂટિંગ ટીમમાંથી એક માત્ર એથ્લેટ છે જેણે બહુવિધ વ્યક્તિગત ઇવેન્ટ્સમાં ભાગ લીધો છે. અત્યારે મનુ ભાકરે ભારતને સારી એવી નામના આપવી છે. અત્યારે મનુએ ભારતને પેરિસ ઓલિમ્પિક નો પહેલો મેડલ અપાવ્યો છે. પેરિસ ઓલિમ્પિકમાં અત્યારે ભારતનું પ્રદર્શન ખુબ જ સારૂ જોવા મળી રહ્યું છે.
This content is restricted to site members. If you are an existing user, please log in. New users may register below.
