પાટણ હેમચંદ્રાચાર્ય ઉત્તર ગુજરાત યુનિવર્સિટી ખાતે કારોબારી સમિતિની ખાસ બેઠક યોજાઇ હતી. આ બેઠકમાં મહત્વના ત્રણ નિર્ણયો કરવામાં આવ્યા હતા જેમાં યુનિવર્સિટી કેમ્પસમાં ફરજ બજાવતા સીકયુરીટી કર્મચારીઓને પ્રોત્સાહન ભથ્થું તેમજ યુનિવર્સિટી સંલગ્ન ગ્રાન્ટેડ કોલેજોના પીજી કેન્દ્રમાં વધારાની બેઠકો પર વિધાર્થી હીતને ધ્યાનમાં રાખી ફીમાં રૂ1હજારનો ધટાડો કરવાનો સર્વાનુમતે નિર્ણય કરાયો છે.
પાટણ હેમચંદ્રાચાર્ય ઉત્તર ગુજરાત યુનિવર્સિટી ખાતે કારોબારી સમિતિની ખાસ બેઠક કુલપતિ ડો.જે.જે.વોરાના અધ્યક્ષસ્થાને યોજાઇ હતી. આ બેઠકમાં એજન્ડા પરના કામો અંગે ચર્ચા વિચારણા કરવામાં આવી હતી. તો મહત્વના કામો પૈકી યુનિવર્સિટી સંલગ્ન એક કોલેજ માટે નામદાર કોર્ટે આપેલી અરજીના અનુસંધાને કાર્યવાહી કરવા અંગે સભ્યો સાથે ચર્ચા કરાઇ હતી.
આ ઉપરાંત યુનિવર્સિટી સંલગ્ન ગ્રાન્ટેડ કોલેજોના નવ પીજી કેન્દ્રોમાં રેગ્યુલર વિધાર્થીઓ માટે 2500 રુપિયા ફી યથાવત રાખવામાં આવી છે જયારે વધારાની બેઠકો પર વિધાર્થી હિતને ધ્યાનમાં રાખી આ ફીમાં રુપિયા એક હજારનો ઘટાડો કરી 1500રુપિયા ફી નકકી કરવામાં આવી છે.
તો સાથે સાથે દિપાવલી પર્વને અનુલક્ષી યુનિવર્સિટી કેમ્પસમાં ફરજ બજાવતા સીક્યોરીટી-કર્મચારીઓ માટે પ્રોત્સાહન ભથ્થુ આપવાનો નિર્ણય કરાયો છે. જેમાં સારી કામગીરી કરનાર સીકયોરીટી કર્મચારીના પગારમાં રૂા.2 હજારથી 5 હજાર સુધીનો વધારો આપવામાં આવશે તેવું કુલપતિ ડો.જે.જે.વોરાએ જણાવ્યું હતું.
GNS NEWS
This content is restricted to site members. If you are an existing user, please log in. New users may register below.
