દીપિકા પાદુકોણે કેટલાક ફોટો શેર કર્યા, ફોટો જોઈ ફેન્સએ કોમેન્ટ કરી,”તે પ્રેગ્નટ છે!..”

(જી.એન.એસ),તા.૨૦

મુંબઈ,

દીપિકા પાદુકોણ અને રણવીર સિંહના ફેન્સ લાંબા સમયથી તેમના તરફથી સારા સમાચારની રાહ જોઈ રહ્યા છે. લેટેસ્ટ રિપોર્ટ તેમના ફેન્સને ખુશ કરી શકે છે. સૂત્રોનો દાવો છે કે દીપિકા પ્રેગ્નેન્ટ છે. હાલમાં જ દીપિકા બાફ્ટા એવોર્ડ શોમાં હતી. તેણે સાડી વડે પેટ ઢાંકી દીધું હતું. આ તસવીરો જોઈને ઘણા લોકો કોમેન્ટ કરી રહ્યા હતા કે તે પોતાનો બેબી બમ્પ છુપાવી રહી છે. મંગળવારે દીપિકાએ શેર કરેલા ફોટો પર ઘણા લોકોએ લખ્યું છે કે દીપિકા પ્રેગ્નેન્ટ છે. મીડિયા રિપોર્ટ મુજબ દીપિકાની નજીકના એક સૂત્રનું કહેવું છે કે આ તેનું સેકન્ડ ટ્રાઈમેસ્ટર ચાલી રહ્યું છે. તમને જણાવી દઈએ કે આ સમાચારો પર દીપિકા કે રણવીર તરફથી ઓફિશિયલ એનાઉન્સમેન્ટની રાહ જોવાઈ રહી છે.

દિપીકાએ બાફ્ટામાંથી તસવીરો પોસ્ટ કરી, ત્યારે લોકો તેના બેલી બમ્પ જોઈ રહ્યા હતા. હાલમાં એક લક્ઝરી હોટલની લેટેસ્ટ તસવીરો પોસ્ટ કરવામાં આવી છે. આમાં તે ઘણું ખાતી જોવા મળી રહી છે. જો કે આ એક એડ છે, પરંતુ લોકો તેના પર તેની પ્રેગ્નન્સી વિશે લખી રહ્યા છે. એક ફેને કોમેન્ટ કરતાં લખ્યું છે કે, મને લાગ્યું કે આ પ્રેગ્નન્સીની જાહેરાત છે. અન્ય એક ફેને લખ્યું છે કે, તે પ્રેગ્નેન્ટ છે, તસવીરો તેનો પુરાવો છે. દીપિકા બાળકોને ખૂબ પ્રેમ કરે છે. તેણે એક ઈન્ટરવ્યુમાં એમ પણ કહ્યું હતું કે તે અને રણવીર બાળકોને પ્રેમ કરે છે. તે એ દિવસની રાહ જોઈ રહી છે જ્યારે તે પોતાનો પરિવાર શરૂ કરશે.