(જી.એન.એસ) તા. 11
નવી દિલ્હી,
દિલ્હીના પશ્ચિમ વિહારમાં સવારના સમયે એક પ્રોપર્ટી ડીલર રાજકુમાર ની જાહેરમાં ગોળી મારીને હત્યા કરવામાં આવી છે. જ્યારે પ્રોપર્ટી ડીલર પર હુમલો થયો ત્યારે તેઓ તેમની કારમાં જીમ જઈ રહ્યા હતા. પોલીસને ઘટના સ્થળેથી અનેક ફૂટેલી ગોળીઓ મળી આવી છે જેમાં પરિવારનું કહેવું છે કે તેમના દીકરાને કોઈ સાથે દુશ્મની નહોતી. પોલીસ હત્યા પાછળના કારણોની તપાસ કરી રહી છે.
દિલ્હીના પશ્ચિમ વિહારમાં કારમાં મુસાફરી કરી રહેલા એક યુવાનની ગોળી મારીને હત્યા કરવામાં આવી હતી. મૃતક યુવક ફોર્ચ્યુનર કારમાં મુસાફરી કરી રહ્યો હતો. આ ઘટનાથી વિસ્તારમાં ચકચાર મચી ગઈ હતી. માહિતી મળતા જ પોલીસ ઘટનાસ્થળે પહોંચી ગઈ. પોલીસને ઘટનાસ્થળેથી એક ડઝન ખાલી ગોળીઓના ખોખા મળી આવ્યા છે. તપાસમાં જાણવા મળ્યું છે કે હુમલાખોરોએ સામેથી ઘણી ગોળીઓ ચલાવી હતી.ગોળી વાગતાં યુવાન ગંભીર રીતે ઈજાગ્રસ્ત થયો હતો. તેના પરિવારજનો તેને હોસ્પિટલ લઈ ગયા, પરંતુ ડોક્ટરોએ તેને મૃત જાહેર કર્યા હતા.
આ મામલે મૃતકના પરિવારના સભ્યોએ જણાવ્યું કે તેમના પુત્રને કોઈ સાથે કોઈ દુશ્મની નહોતી, તે દરરોજ કાર દ્વારા જીમ જતો હતો. મૃતક યુવકની ઓળખ રાજકુમાર દલાલ તરીકે થઈ છે. તે વ્યવસાયે પ્રોપર્ટી ડીલર હતો.મળતી માહિતી મુજબ, જ્યારે યુવક પર હુમલો થયો ત્યારે તે તેના ઘરેથી જીમ જઈ રહ્યો હતો. હુમલાખોરોએ રાજકુમારને ઘેરી લીધો અને ગોળીબાર શરૂ કરી દીધો. લગભગ 8 થી 10 રાઉન્ડ ફાયરિંગ કરવામાં આવ્યું. સતત ગોળીબારના અવાજથી વિસ્તારમાં ગભરાટ ફેલાઈ ગયો. હુમલાખોરોએ રાજકુમારની હત્યા કરી અને સ્થળ પરથી ભાગી ગયા. ત્યારબાદ સ્થળ પર લોકોની ભીડ એકઠી થઈ ગઈ. આ બનાવની માહિતી મળતા જ પોલીસ ઘટનાસ્થળે પહોંચી ગઈ હતી અને નાકાબંધી કરી તાત્કાલિક તપાસ શરૂ કરી દીધી હતી.
પોલીસ હાલમાં હત્યા પાછળના કારણોની તપાસ કરી રહી છે. વિસ્તારના સીસીટીવી કેમેરાની તપાસ કરવામાં આવી રહી છે. પરિવારના સભ્યોની પણ પૂછપરછ ચાલી રહી છે. રાજકુમાર પર જે રીતે હુમલો કરવામાં આવ્યો તે સંપૂર્ણપણે આયોજનબદ્ધ હોય તેવું લાગે છે.
This content is restricted to site members. If you are an existing user, please log in. New users may register below.
