‘તારક મહેતા..’શોમાં દુલ્હનની ધમાકેદાર એન્ટ્રી થશે

(જી.એન.એસ),તા.૨૫

તારક મહેતા કા ઉલ્ટા ચશ્મા એક એવો શો છે જે વર્ષોથી લોકોને પોતાની સાથે જોડી રાખે છે. શોના મેકર્સ નવા ટ્વિસ્ટની સાથે ફેન્સને નવી-નવી અપડેટ આપતા રહેતા હોય છે. આ વખતે શોમાં એક જોરદાર ટ્વિસ્ટ આવવાનો છે. શોમાં ફરી એક વાર ખુશીનો માહોલ જોવા મળશે. આમ, તમે વિચારી રહ્યા છો કે દયાબેનની એન્ટ્રી થવાની છે તો એવું નથી. ફરી એક વાર પોપટલાલની નવી જીંદગીમાં દુલ્હનની એન્ટ્રી થવાની છે. પોપટલાલના ઘરે ઢોલ વાગશે. એવું લાગી રહ્યુ છે કે પોપટલાલ લગ્ન કરવા માટે ઘોડી પર ચઢશો તો આ સાથે મહિલા મંડળીમાં એક નવા સભ્યની એન્ટ્રી થશે. ‘તારક મહેતા..’શોમાં બતાવવામાં આવશે કે પોપટલાલને ફરી એક વાર પ્રેમ થશે. પોપટલાલના દિલમાં પ્રેમનું ગિટાર વાગશે અને લાઇફમાં લેડીલવની એન્ટ્રી થશે. મેકર્સ દ્રારા પ્રોમો રિલીઝ થયા પછી એવું લાગી રહ્યુ છે કે પોપટલાલે જેની વર્ષોથી રાહત જોઇ રહ્યા છે એ હવે ખતમ થઇ જશે અને એમની ઇચ્છા પૂરી થઇ જશે. પોપટલાલનું સપનું પણ પૂરુ થઇ જશે.   

મળતી માહિતી અનુસાર શોમાં એક્ટ્રેસ પૂજા ભારતી શર્માની એન્ટ્રી થઇ રહી છે. શોમાં એક કેમિયો રોલ કરતી જોવા મળશે. આ ભૂમિકામાં એનું નામ અનોખી છે. પોપટલાલ અને અનોખીની મુલાકાત પ્રોમોમાં જોવા મળી રહી છે. અનોખીને જોતા પોપટલાલ એના દિવાના થઇ જાય છે. અનોખી પણ પોપટલાલની આંખોમાં ડૂબી જાય છે. પોપટલાલ અને અનોખીની આ મુલાકાત મોલમાં થાય છે.  આ પ્રોમો જોયા પછી ફેન્સ સુપર એક્સાઇટેડ થઇ ગયા છે. ફેન્સ હવે પોપટલાલના લગ્નની રાહ જોઇ રહ્યા છે. જો કે આવું પહેલી વાર નથી થયુ કે શોમાં પોપટલાલના લગ્નનો માહોલ જોવા મળ્યો. ઘણી વાર તો લગ્નના મંડપ સુધી પણ વાત પહોંચી ગઇ હોય, પરંતુ કોઇને કોઇ રીતે પોપટલાલની સગાઇ તૂટી જતી હોય છે. જો કે આ વખતે શું થશે એ હવે જોવાનું રહ્યું. આ સમયે પોપટલાલના લગ્ન નહીં થાય તો ફેન્સને અનેક ઘણું દુખ થશે.