ઓસ્ટ્રેલિયા અને વેસ્ટ ઈન્ડિઝ વચ્ચે શ્રેણીની બીજી મેચ પહેલા ઓસ્ટ્રેલિયન ટીમના વધુ બે સભ્યો કોરોનાગ્રસ્ત
(જી.એન.એસ),તા.૨૪
ભારત અને ઈંગ્લેન્ડ વચ્ચે 25 જાન્યુઆરીથી ટેસ્ટ સિરીઝ શરૂ થઈ રહી છે, જેના પર તમામની નજર ટકેલી છે. પરંતુ તે જ દિવસે ઓસ્ટ્રેલિયા અને વેસ્ટ ઈન્ડિઝ વચ્ચે શ્રેણીની બીજી મેચ પણ શરૂ થઈ રહી છે. બીજી ટેસ્ટ મેચ પહેલા ઓસ્ટ્રેલિયન ટીમ માટે ખરાબ સમાચાર આવ્યા છે જે ડરામણા છે. ઓસ્ટ્રેલિયાના ઓપનર ટ્રેવિસ હેડ બાદ ટીમના વધુ બે સભ્યો કોરોનાગ્રસ્ત થયા છે. ઓસ્ટ્રેલિયન મીડિયા અનુસાર, ટીમના મુખ્ય કોચ એન્ડ્ર્યુ મેકડોનાલ્ડ અને ઓલરાઉન્ડર કેમરોન ગ્રીન કોરોનાથી સંક્રમિત થયા છે, જે બંનેનો ટેસ્ટ પોઝિટિવ આવ્યો છે.
ઓસ્ટ્રેલિયન ટીમે નિવેદન આપ્યું છે કે બંનેને ગ્રુપમાંથી અલગ કરી દેવામાં આવ્યા છે, જ્યાં સુધી બંનેના ટેસ્ટ નેગેટિવ નહીં આવે ત્યાં સુધી સ્થિતિ એવી જ રહેશે. જો બંને નેગેટિવ નહીં આવે તો તેમને ટેસ્ટમાં ભાગ લેવાની મંજૂરી આપવામાં આવશે નહીં. તમને જણાવી દઈએ કે આ પહેલા ઓસ્ટ્રેલિયાનો સ્ટાર ઓપનર ટ્રેવિસ હેડ પણ કોરોના સામે લડી રહ્યો હતો, જોકે હવે તે કોવિડ નેગેટિવ થઈ ગયો છે. હવે ઉસ્માન ખ્વાજા વેસ્ટ ઈન્ડિઝ સામેની બીજી ટેસ્ટમાં રમવા માટે તૈયાર છે. કોરોનાએ પહેલાથી જ ક્રિકેટમાં ઘણી તબાહી મચાવી છે, કોવિડ સમયગાળા દરમિયાન લાંબા સમય સુધી ક્રિકેટ બંધ રહી હતી. હવે ફરી એકવાર કોવિડનો પ્રકોપ ઘણી મેચોમાં જોવા મળી રહ્યો છે.
This content is restricted to site members. If you are an existing user, please log in. New users may register below.
