(જી.એન.એસ) તા. 18
મુંબઈ,
ભારતીય ક્રિકેટ ટીમના સ્ટાર બેટ્સમેન વિરાટ કોહલી આવતા મહિને વેસ્ટ ઈન્ડિઝ અને અમેરિકામાં યોજાનાર ટી-20 વર્લ્ડ કપ માટે ભારતીય ટીમ સાથે જોડાવા જઈ રહ્યો છે. જોકે હાલમાં તે આઈપીએલમાં વ્યસ્ત છે. આઈપીએલ 2024 ની મહત્વપૂર્ણ મેચ રોયલ ચેલેન્જર્સ બેંગ્લોર અને ચેન્નાઈ સુપર કિંગ્સ વચ્ચે રમાશે, જે પણ ટીમ આ મેચ જીતશે તેને પ્લેઓફની ટિકિટ મળશે. જો કે, મેચ દરમિયાન વરસાદની સંભાવના છે, તેથી જો વરસાદને કારણે મેચ પૂર્ણ થઈ શકતી નથી, તો ચેન્નાઈ સુપર કિંગ્સ એક પોઈન્ટ લઈને પ્લેઓફ માટે ક્વોલિફાઈ કરશે. આ દરમિયાન વિરાટ કોહલીની નવી હેરસ્ટાઈલ વાળો લુક ખૂબજ વાયરલ થઈ રહ્યો છે. આઈપીએલ 2024 માં વિરાટ કોહલી શાનદાર ફોર્મમાં છે. રોયલ ચેલેન્જર્સ બેંગ્લોર તરફથી રમતા વિરાટ કોહલીએ 13 મેચમાં 155ના સ્ટ્રાઈક રેટથી 661 રન બનાવ્યા છે. આ સિઝનમાં કોહલીએ એક સદી અને પાંચ અડધી સદી ફટકારી છે. 600થી વધુ રન બનાવનાર તે એકમાત્ર બેટ્સમેન છે. વિરાટ કોહલીને IPLમાં 8000 રન પૂરા કરવા માટે વધુ 76 રનની જરૂર છે. અન્ય કોઈ ખેલાડીએ ટી20 લીગમાં 7000 રન પણ બનાવ્યા નથી.
એક ખિલાડી ક્રિકેટર હોવા ઉપરાંત વિરાટ કોહલીએ ફેશનની દુનિયામાં ઘણું નામ કમાવ્યું છે. વિરાટ કોહલીને સૌથી સ્ટાઇલિશ ભારતીય ક્રિકેટરોમાંથી એક ગણવામાં આવે છે. તેની હેરસ્ટાઈલને લઈને ઘણી ચર્ચા થઈ રહી છે. સેલિબ્રિટી સ્ટાઈલિશ આલીમ હકીમે વિરાટ કોહલીની નવી હેરસ્ટાઈલની તસવીરો સોશિયલ મીડિયા પર શેર કરી છે. માત્ર કોહલી જ નહીં, હકીમ એમએસ ધોનીની હેરસ્ટાઈલ પણ કરે છે. આલીમ હકીમે એક ઈન્ટરવ્યુ દરમિયાન જણાવ્યું હતું કે તે વાળ કપાવવા માટે કેટલો ચાર્જ લે છે. તેણે એ વાતનો ખુલાસો નથી કર્યો કે તે કોહલી અને ધોની પાસેથી કેટલો ચાર્જ લે છે પરંતુ કહ્યું કે તે 1 લાખ રૂપિયાથી શરૂ થાય છે.
This content is restricted to site members. If you are an existing user, please log in. New users may register below.
