જીલ્લા રોજગાર વિનિમય કચેરી,ગાંધીનગર દ્વારા કલોલ ખાતે રોજગાર ભરતીમેળાનું આયોજન

(જી.એન.એસ),તા.૧૭

ગાંધીનગર,

જીલ્લા રોજગાર વિનિમય કચેરી,ગાંધીનગર દ્વારા કૌશલ્ય વર્ધન કેન્દ્ર, સ્વામીનારાયણ ગુરુકુળ કોલેજ સામે, અમદાવાદ –મહેસાણા હાઇવે કલોલ ખાતે રોજગાર ભરતીમેળાનું આયોજન કરવામાં આવેલ છે. જેમાં ધોરણ-૧૦ અને ૧૨ પાસ,આઈ.ટી.આઈ,ડીપ્લોમાં,ગ્રેજ્યુએટ,અને પોસ્ટ ગ્રેજ્યુએટઉમેદવારો ભાગ લઇ શકશે. આ ભરતીમેળા અંતર્ગત કસ્ટમર સપોર્ટ એક્ઝીક્યુટીવ,સેલ્સ એસોશિયેટ,કેશિયર,પેકર,એકાઉન્ટન્ટ,સેલ્સ કોઓર્ડીનેટર,,સુપરવાઈઝર, ટેલી માર્કેટિંગ, બેક ઓફીસ સપોર્ટ સ્ટાફ,ડીપ્લોમાં એન્જીનીયર જેવી જગ્યાઓ પર ભરતી કરવાની હોવાથી રોજગારવાન્છું ઉમેદવારોને વિવિધ રોજગારીની તકોથી વંચિત ન રહે તથા નોકરીદાતાઓને રોજગાર કચેરી દ્વારા સતત કુશળ માનવબળ પ્રાપ્ત થઇ શકે તે હેતુસર રોજગાર ભરતીમેળા અંગે જીલ્લા રોજગાર વિનિમય કચેરી,ગાંધીનગર દ્વારા આગામી સમયમાં આયોજન થનાર છે. ઉપરોક્ત યોજાનાર રોજગાર ભરતીમેળામાં જીલ્લાના તમામ રોજગારવાન્છું ઉમેદવારોને મોટી સંખ્યામાં ભાગ લેવા જિલ્લા રોજગાર કચેરી,ગાંધીનગરની અખબારી યાદીમાં જણાવવામાં આવેલ છે.