(જી.એન.એસ) તા. 18
રાયપુર,
છત્તીસગઢમાં ફરી એક વાર નક્સલીઓ દ્વારા નાપાક હરકત કરવામાં આવી છે, બીજાપુરમાં આઈઈડી બ્લાસ્ટ થયો છે, જેમાં બે જવાનોનું શહીદ થયા હતા અને ચાર જવાનો ઘાયલ થયા છે. ઘાયલોને હોસ્પિટલમાં દાખલ કરવામાં આવ્યા છે. આ વિસ્તારમાં સર્ચ ઓપરેશન શરૂ કરવામાં આવ્યું છે. ખરાબ હવામાનના કારણે સમસ્યા સર્જાઈ રહી છે. નક્સલવાદીઓએ જિલ્લાના તાર્રેમ પોલીસ સ્ટેશન વિસ્તારના મંડીમર્કા જંગલમાં શોધખોળ કરીને પરત ફરી રહેલા સૈનિકો પર હુમલો કર્યો હતો. ઘાયલોની સ્થિતિને ધ્યાનમાં રાખીને તેમને રાયપુર લઈ જવાની તૈયારી કરવામાં આવી રહી છે, પરંતુ ખરાબ હવામાનને કારણે હેલિકોપ્ટર ટેકઓફ કરી શકતું નથી, હાલ ઘટના બાદ વિસ્તારમાં સર્ચ ઓપરેશન શરૂ કરવામાં આવ્યું છે. આ ઘટના અંગે હજુ સુધી કોઈ વરિષ્ઠ અધિકારીનું નિવેદન આવ્યું નથી.
આ ઘટના બાબતે સૂત્રો દ્વારા મળતી માહિતી મુજબ, સીઆરપીએફ, કોબ્રા, સીએએફ, ડીઆરજી અને એસટીએફના જવાનો નક્સલ વિરોધી ઓપરેશનમાં હતા, બુધવારે સૈનિકો પરત ફરી રહ્યા હતા ત્યારે તારેમ પોલીસ સ્ટેશનના મંડીમર્કાના જંગલોમાં નક્સલવાદીઓ દ્વારા લગાવવામાં આવેલ પાઇપ બોમ્બ વિસ્ફોટ કરવામાં આવ્યો હતો. આ ઘટનામાં STFના હેડ કોન્સ્ટેબલ ભરત લાલ સાહુ અને કોન્સ્ટેબલ સતેર સિંહ શહીદ થયા હતા. જ્યારે પુરષોત્તમ નાગ, કોમલ યાદવ, સિયારામ સોરી અને સંજય કુમાર ઘાયલ થયા છે, ઘાયલોને સારી સારવાર માટે બીજાપુર જિલ્લા હોસ્પિટલ લાવવામાં આવ્યા છે, જ્યાં તેમની સારવાર ચાલી રહી છે.
This content is restricted to site members. If you are an existing user, please log in. New users may register below.
