ચેકથી પેમેન્ટ કરતા પહેલા લાગુ કરવામાં આવ્યા છે આ નવા નિયમોને ધ્યાને રાખજો

(જી.એન.એસ),તા.૦૪
નવીદિલ્હી
દેશની કેન્દ્રીય બેંક રિઝર્વ બેંક ઓફ ઈન્ડિયાએ બેંકિંગ છેતરપિંડીઓને રોકવા માટે વર્ષ 2020 માં ચેક માટે ‘પોઝિટિવ પે સિસ્ટમ’ દાખલ કરવાનો નિર્ણય લીધો હતો. આ સિસ્ટમ હેઠળ ચેક દ્વારા રૂ. 50,000 થી વધુની ચુકવણી માટે ચોક્કસ મુખ્ય માહિતીની જરૂર પડી શકે છે.પોઝિટિવ પે સિસ્ટમ દ્વારા ચેકની માહિતી મેસેજ, મોબાઈલ એપ, ઈન્ટરનેટ બેંકિંગ અથવા એટીએમ દ્વારા આપી શકાય છે. ચેકની ચુકવણી કરતા પહેલા આ વિગતો તપાસવામાં આવે છે. જો તમે તમારા નાણાકીય વ્યવહારોમાં ચેકનો વધુ ઉપયોગ કરો છો, તો આ માહિતી તમારા કામની છે. દેશમાં ચેક દ્વારા પેમેન્ટ કરવાના નિયમો બદલાયા છે. રિઝર્વ બેંકની સૂચનાઓના આધારે બેંકો ચેક દ્વારા ચુકવણી માટે Positive pay system લાગુ કરી રહી છે. પંજાબ નેશનલ બેંક 4 એપ્રિલથી પોઝિટિવ પે સિસ્ટમનો નિયમ લાગુ કરવા જઈ રહી છે. પંજાબ નેશનલ બેંક પોઝિટિવ પે સિસ્ટમમાં ફેરફાર કરવા જઈ રહી છે. બેંકે તેની વેબસાઇટ અને સોશિયલ મીડિયા પ્લેટફોર્મ ટ્વિટર પર આ માહિતી આપી છે. 4 એપ્રિલથી નવા નિયમ હેઠળ ગ્રાહકોએ ચેક દ્વારા રૂ. 10,00,000 કે તેથી વધુની ચુકવણી કરવા માટે ફરજિયાતપણે પોઝિટિવ પે સિસ્ટમની ચકાસણી કરવી પડશે. પોઝિટિવ પે સિસ્ટમ માટે બેંકના ગ્રાહકોએ તેમનો એકાઉન્ટ નંબર, ચેક નંબર, ચેક આલ્ફા, ચેકની તારીખ, ચેકની રકમ, કોના નામે ચેક અપાઈ રહ્યો છે વગેરે માહિતી બેંકને આપવી જરૂરી છે. પંજાબ નેશનલ બેંક પહેલા, ઘણી વધુ જાહેર અને ખાનગી બેંકોએ આ નિયમ લાગુ કર્યો છે. સ્ટેટ બેંક ઓફ ઈન્ડિયા, બેંક ઓફ બરોડા, બેંક ઓફ ઈન્ડિયા, એક્સિસ બેંક, HDFC બેંક, ICICI બેંકમાં પોઝિટિવ પે સિસ્ટમ લાગુ કરવામાં આવી છે. સ્ટેટ બેંક ઓફ ઈન્ડિયામાં આ નિયમ 1 જાન્યુઆરી, 2021થી લાગુ કર્યો છે. SBI એ રૂ. 50,000 થી વધુના ચેક પેમેન્ટ માટે આ લાગુ કર્યું છે. બેંક ઓફ બરોડામાં પોઝિટિવ પે કન્ફર્મેશન સંબંધિત નિયમો 1લી ફેબ્રુઆરીથી લાગુ થશે. અને હવે પોઝિટિવ પે સિસ્ટમની ચકાસણી વિના ચેકની રકમ ચૂકવવામાં આવશે નહીં. પોઝિટિવ પે સિસ્ટમ વિશે વધુ માહિતી પંજાબ નેશનલ બેંકની વેબસાઇટ પરથી અથવા ટોલ ફ્રી નંબર 1800-180-2222 અથવા 1800-103-2222 પર કૉલ કરીને મેળવી શકાય છે.