ગીર નજીક આવેલા ગામોમાં વન્ય પ્રાણીઓ અવાર નવાર શિકારની શોધમાં આવી આંટાફેરા કરતા જોવા મળતાં હોય છે. ત્યારે વધું એક વીડિયો ગીર નજીક આવેલા ગામનો વાયરલ થયો છે. જેમાં આલીદર ગામનાં બસ સ્ટેશન વિસ્તારમાં આવેલી દુકાનની સીડી ઉપર ડાલા મથ્થો ચઢી ગયો ત્યારબાદ નીચે ઉતરી રહેણાંક વિસ્તારની ગલીમાં જતો રહ્યો હતો.ત્યારે એક શ્વાન એ સિંહને રસ્તા પર જોઇ ભસતા લાગતા ડાલા મથ્થો સિંહ ફરી ગલીમાંથી બહાર નિકળી અને શ્વાનની પાછળ દોટ મુકતા શ્વાન ઉભી પૂંછડીએ નાશી ગયો હતો.
આ સમગ્ર ઘટના રાત્રિનાં સમયે આ વિસ્તારમાંથી પસાર થતા લોકો એ મોબાઈલમાં કેદ કરી હતી જે વીડિયો વાયરલ થયો હતો. આ ઉપરાંત સિંહે ગામમાં બે પશુના મરણ કરી મિજબાની માણી વહેલી સવારે સીમ વિસ્તારમાં જતો રહ્યો હતો.
અગાઉ થોડા દિવસો પહેલા બે સિંહોએ ગાયનું મારણ કરી મિજબાની માણી હતી. આમ અવાર નવાર ગામમાં સિંહ આવી જતાં ગામ લોકોમાં ભયનું વાતાવરણ ફેલાયું છે.
GNS NEWS
This content is restricted to site members. If you are an existing user, please log in. New users may register below.
