સમારોહમાં કુંવરબાઇનું મામેરૂ યોજના, સાતફેરા સમુહ લગ્ન સહાય, ર્ડા.સવિતાબેન આંબેડકર આંતરજ્ઞાતિય લગ્ન પ્રોત્સાહક યોજના, વિદેશ ઉચ્ચ અભ્યાસ અર્થે લોન, આવાસ યોજના તથા વિવિધ નિગમોની સીધાધિરાણ યોજના સહિતની સરકારશ્રીની જુદી જુદી યોજનાઓના લાભાર્થીઓને અપાશે સહાય
(જી.એન.એસ),તા.૦૫
સામાજિક સમરસતા દ્વારા કલ્યાણ રાજયના સિધ્ધાંતને સાર્થક કરવા ભારત સરકાર અને સંવેદનશીલ ગુજરાત સરકાર પ્રજાને દ્વારે આવી તેઓનું ઉત્કર્ષ કરવા તેમજ તેમને આર્થિક ઉપાર્જનની બહોળી તકો પુરી પાડવા કટિબદ્ધ છે. રાજય સરકાર દ્વારા ગાંધીનગર ખાતે સામાજિક ન્યાય અને અધિકારીતા વિભાગ હસ્તકના ખાતાના વડા તથા નિગમોના જુદી-જુદી યોજનાઓના ઉત્તર અને મધ્ય ગુજરાતના ગાંધીનગર, અમદાવાદ, મહેસાણા, પાટણ, બનાસકાંઠા, સાબરકાંઠા, અરવલ્લી, ખેડા, આણંદ એમ કુલ નવ જિલ્લાના લાભાર્થીઓના લોન/સહાય વિતરણ સમારોહનું આયોજન કરવામાં આવ્યું છે. આ કાર્યક્રમ સામાજિક ન્યાય અને અધિકારીતા, મહિલા અને બાળ કલ્યાણ મંત્રી શ્રીમતી ભાનુબેન બાબરીયાના અધ્યક્ષસ્થાને ૭ ઓકટોબરના રોજ સવારે ૧૧:૦૦ કલાકે ઓરા ઓડિટોરીયમ હોલ, ગુજરાત નેશનલ લો યુનિવર્સીટી, PDPU રોડ, કોબા, ગાંધીનગર ખાતે યોજાશે.
આ કાર્યક્રમમાં સરકારશ્રીની જુદી જુદી યોજનાઓ જેવી કે, કુંવરબાઇનું મામેરૂ યોજના, સાતફેરા સમુહ લગ્ન સહાય, ર્ડા.સવિતાબેન આંબેડકર આંતરજ્ઞાતિય લગ્ન પ્રોત્સાહક યોજના, વિદેશ ઉચ્ચ અભ્યાસ અર્થે લોન, આવાસ યોજના તથા વિવિધ નિગમોની સીધાધિરાણ યોજના તેમજ સ્વરોજગાર લક્ષી લોન યોજના હેઠળ અનુસૂચિત જાતિના-૧૨૩૯ લાભાર્થીઓને રૂ.૫.૨૮ કરોડ, વિકસતી જાતિના-૪૬૮૯ લાભાર્થીઓને રૂ.૩૯.૭૮ કરોડની સહાય કરવામાં આવશે. આ ઉપરાંત સમાજ સુરક્ષા હેઠળની દિવ્યાંગ લગ્ન સહાય, સંત સુરદાસ, નેશનલ ડિસેબિલીટી પેન્શન, દિવ્યાંગોને એસ.ટી.માં મફત મુસાફરી, મનો દિવ્યાંગ વ્યક્તિઓને આર્થિક સહાય, પાલક માતા-પિતા, રાષ્ટ્રીય વૃદ્ધ પેન્શનના લાભાર્થીઓને લાભાન્વિત કરાશે. આ સિવાય નિરાધાર વૃદ્ધ સહાય યોજના હેઠળના ૪,૫૫,૫૩૧ લાભાર્થીઓના રૂ.૧૭૯.૬૩ કરોડ એમ મળીને કુલ રૂ.૨૨૪ કરોડથી વધુની સહાય કરવામાં આવશે.
વિવિધ યોજનાઓના લાભાર્થીઓને લોન અને સહાય વિતરણના કાર્યક્રમમાં સામાજિક ન્યાય અધિકારીતા અને અન્ન અને નાગરીક પુરવઠા વિભાગના રાજ્યકક્ષાના મંત્રીશ્રી ભીખુસિંહજી પરમાર, ગાંધીનગર મહાનગરપાલિકાના મેયરશ્રી હિતેશ મકવાણા, ગાંધીનગર જિલ્લા પંચાયતના પ્રમુખ શ્રીમતી શિલ્પાબેન પટેલ, દહેગામના ધારાસભ્યશ્રી બલરાજસિંહ ચૌહાણ, ગાંધીનગર (દક્ષિણ)ના ધારાસભ્યશ્રી અલ્પેશ ઠાકોર, ગાંધીનગર (ઉત્તર)ના ધારાસભ્યશ્રી શ્રીમતી રીટાબેન પટેલ, કલોલના ધારાસભ્યશ્રી શ્રી લક્ષ્મણજી ઠાકોર, માણસાના ધારાસભ્યશ્રી જયંતિભાઇ પટેલ તેમજ અન્ય મહાનુભાવોની ઉપસ્થિતિમાં યોજાનાર છે.
જિલ્લા માહિતી કચેરી ,ગાંધીનગર
This content is restricted to site members. If you are an existing user, please log in. New users may register below.
