ગાંધીનગરમાં ખનીજ ચોરીને માત્ર અટકાવવા નહીં પણ ગેરકાયદે થતી આ પ્રવૃત્તિને મૂળથી કાઢી ફેંકવા તંત્ર સજ્જ

(જી.એન.એસ)તા.૨૫

ગાંધીનગર,

એક અઠવાડીયા દરમિયાન કુલ ૧૩ વાહન જપ્ત કરી કરોડોની કિંમતના ખનીજની હેરફેર અટકાવી કલેક્ટરશ્રી,ગાંધીનગર મેહુલ દવેની સુચના થકી મદદનીશ ભુસ્તરશાસ્ત્રી પ્રણવ સિંહની આગેવાનીમાં ગાંધીનગર જીલ્લાના મદદનીશ ભુસ્તરશાસ્ત્રીની કચેરી, ભુસ્તર વિજ્ઞાન અને ખનિજ ખાતુંની ક્ષેત્રીયટીમ દ્વારા શનિવાર અને રવિવાર એમ રજાઓના દિવસોમાં પણ સતત વાહન ચેકીંગની કામગીરી હાથ ધરી સાદીરેતી અને સાદિ માટી ખનિજના બિનઅધિકૃત કુલ ૦૪ વાહનો જપ્ત કરવામાં આવ્યા છે. જેમાં કલોલ તાલુકાના  થોળ-સિલજ રોડ, નાસ્મેદ,  ખાતેથી વાહન ડમ્પર નં.GJ-24-X-4641 માં 16.570 MT સાદીરેતી ખનિજના બિનઅધિકૃત વહન  તથા   વાહન ડમ્પર નં. GJ-02-BT-7250 માં 28.660 MT સાદીરેતી ખનિજના રોયલ્ટી પાસ વગર બિનઅધિકૃત વહન કરતા વાહનોની અટકાયત કરવામાં આવી છે.તેમજ કડી-કલોલ રોડ, છત્રાલ,  ખાતેથી વાહન ડમ્પર નં. GJ-18-BV-6356 માં 16.230 MT સાદીમાટી ખનિજના રોયલ્ટી પાસ વગર બિનઅધિકૃત વહન અને ડમ્પર નં. GJ-24-X-4300 માં 28.280 MT સાદીરેતી ખનિજના રોયલ્ટી પાસ વગર બિનઅધિકૃત વહન કરતાં એમ કુલ ચાર વાહનો મળી આશરે ૧૦૫ લાખનો મુદ્દામાલ જપ્ત કરવામાં આવ્યો છે. આ જપ્ત કરેલ વાહનોના વાહનમાલિકો વિરૂધ્ધ ગુજરાત મિનરલ (પ્રિવેન્શન ઓફ  ઇલ્લીગલ માઇનીંગ, ટ્રાન્સપોર્ટેશન અને સ્ટોરેજ) નિયમો-૨૦૧૭ ના નિયમો હેઠળ દંડકીય કાર્યવાહી હાથ ધરવામાં આવશે. ઉલ્લેખનીય છે કે, ગાંધીનગરમાં ખનીજ ચોરીને માત્ર અટકાવવા નહીં પણ આ પ્રવૃત્તિને મૂળથી કાઢી ફેંકવા તંત્ર સજ્જ હોવા સાથે ગાંધીનગર કલેકટરશ્રી  મેહુલ દવેની ચાંપતી નજરથી હવે ભૂ માફીયાઓમાં ભાગદોડ મચી જવા પામી છે.અને ભૂસ્તર શાસ્ત્રીની ટીમ ખનીજ માફિયાઓ માટે પડકાર બની છે.જેના પરિણામે અઠવાડીયા દરમિયાન કુલ ૧૩ વાહન જપ્ત કરી કરોડોની કિંમતના ખનીજની હેરફેર અટકાવવામાં પણ તંત્રને સફળતા મળી છે.