સુરત શહેરના અવધ યુટોપિયા દ્વારા કોરોના કાળ બાદ પ્રથમ વખત કપલ મેરેથોન દોડનું આયોજન કરવામાં આવ્યું હતું. જેમાં દોડની સાથે અન્ય મનોરંજક એક્ટિવિટી પણ કરવામાં આવી હતી. આ મેરેથોન દોડમાં એક હજાર જેટલા મેરીડ કપલે ભાગ લીધો હતો. ઋચા ઓગલે અને લક્ષ અરોરાએ જણાવ્યું હતું કે, ક્લબ દ્વારા દરેક મેમ્બરો માટે વિવિધ એક્ટીવિટીનું આયોજન કરવામાં આવતું હોય છે.
જેમાં મેરેથોન દોડ પણ સામેલ હોય છે. આ વખતે ત્રીજી વખત કપલ મેરેથોન દોડનું આયોજન કરવામાં આવ્યું હતું. તેમનો ઉત્સાહ વધારવા માટે લાઈવ બેન્ડનું પણ આયોજન કરવામાં આવ્યું હતું. ત્યારબાદ પાંચ કિમી ફન મેરેથોન દોડ યોજાઈ હતી. દોડ શરૂ થઇ ત્યારથી સમાપન સુધી હેલ્ધી ફૂડ અને રીફ્રેશમેન્ટની પણ વ્યવસ્થા પુરી પાડવામાં આવી હતી.
પ્રતિક ઉંઘાડે જણાવ્યું હતું કે, અવધ યુટોપિયા ક્લબ દ્વારા પોતાના મેમ્બર્સ માટે વર્ષ દરમિયાન ફિટનેસ અને વેલનેસ સંબધિત વિવિધ એક્ટિવિટી કરવામાં આવે છે. જેમાં યુટોપિયા ક્રિકેટ લીગ, મેરેથોન, મ્યુઝિકલ કોન્સર્ટ વગેરેનો સમાવેશ થાય છે.
GNS NEWS
This content is restricted to site members. If you are an existing user, please log in. New users may register below.
