(GNS),03
એશિયા કપ 2023માં ભારત અને પાકિસ્તાન વચ્ચે રમાયેલી મેચ વરસાદના કારણે રદ થઈ. આ મેચે કરોડો ક્રિકેટ પ્રેમીઓનું દિલ તોડી નાખ્યું. ફેન્સ એકદમ રોમાંચ સાથે આ મેચ જોવાની આશા રાખી રહ્યા હતા. પણ વરસાદે આખો ખેલ બગાડી નાખ્યો. આ દરમ્યાન સોશિયલ મીડિયા પર વિરાટ કોહલીની પાકિસ્તાની મહિલા ફેનનો એક વીડિયો ઝડપથી વાયરલ થઈ રહ્યો છે. વાયરલ વીડિયોમાં કિંગ કોહલીની મહિલા પાકિસ્તાન ફેન કહી રહી છે કે, તેનું દિલ તૂટી ગયું. પાકિસ્તાની ફેન ફક્ત વિરાટ કોહલીની જોવા માટે સ્ટેડિયમમાં આવી હતી. વાયરલ વીડિયોમાં મહિલા ફેને કહ્યું કે, વિરાટ કોહલી મને ગમતો ખેલાડી છે. હું ખાસ કરીને તેને જોવા માટે અહીં આવી હતી. કેમ કે તેને જોવા માગતી હતી. હું તે સદી મારે તેની આશા રાખતી હતી, પણ મારુ દિલ તૂટી ગયું.
ફેન ગર્લને સવાલ પુછવામાં આવ્યો કે, પાકિસ્તાન અને વિરાટ કોહલી બંનેને સપોર્ટ કરી રહી છે, તો તેના જવાબમાં પાકિસ્તાની ફેન પોતાના ચહેરા પર ભારત અને પાકિસ્તાનના ઝંડા બતાવતા કહે છે કે, આ પાકિસ્તાન છે અને આ ઈંડિયા છે. બંને સાથે છે. ફેન ગર્લના જવાબ પર તેની બાજૂમાં ઉભેલા એક ભાઈ કહે છે કે, ફક્ત વિરાટને સપોર્ટ કરી રહી છે. જવાબમાં ફેન ગર્લ કહે છે કે, કાકા પાડોશીઓને પ્રેમ કરવો એક કંઈ ખરાબ બાબત નથી. આ ઉપરાંત ફેન ગર્લને પુછવામં આવ્યું કે, તે બાબર અને વિરાટમાંથી કોને પસંદ કરશે તો તે કોહલીનું નામ લે છે. આપને જણાવી દઈએ કે, મેચમાં ટીમ ઈંડિયા પહેલા બેટીંગ કરતા 48.5 ઓવરમાં 266 રન પર ઓલઆઉટ થઈ ગઈ. ટીમ માટે હાર્દિક પંડ્યા 87 અને ઈશાન કિશને 82 રનની મહત્વની ઈનિંગ્સ રમી. મેચમાં બીજી ઈનિંગ્સની શરુઆત પહેલા વરસાદ થવા લાગ્યો અને મેચમાં બીજી ઈનિંગ્સ રમ્યા વિના રદ કરવી પડી.
This content is restricted to site members. If you are an existing user, please log in. New users may register below.
