(S.yuLk.yuMk)ઈજિપ્ત,íkk.27
ઈજિપ્તમાં મંગળવારે 15 આતંકવાદીઓને ફાસીએ ચઢાવી દેવાયા હતાં. દેશના પૂર્વોત્તર વિસ્તારમાં થયેલા હુમલા માટે આ આતંકવાદીઓ દોષિત હતાં. હુમલામાં ઈજિપ્તના નવ સૈનિકોના મોત થયા હતાં. ઈજિપ્ત સરકારના અધિકારીના જણાવ્યા અનુસાર 11 આતંકીઓને બુર્જ અલ અરબ જેલમાં મોતની સજા અપાઈ હતી. આ જેલ એલેકઝાંડ્રિયાથી 55 કિમીના અંતરે છે.
અસ નચરુન જેલમાં બાકીના ચાર આંતકીઓને લટકાવી દેવાયા હતાં. કેરોથી આ જેલ 120 કિમીના અંતરે છે. આ જ આતંકીઓએ સિનાઈની રાજધાની અલ-આરિશ શહેરમાં એક સૈન્ય ચોકી પર પણ હુમલો કર્યો હતો. સૈન્ય અદાલતે જૂન 2015માં 15 આરોપીઓને દોષિત ઠરાવ્યા હતા. ત્યારબાદ અપીલ કોર્ટે પણ ચુકાદો યથાવત રાખ્યો હતો.
