(GNS),03
બોલિવૂડના ફેમસ એક્ટર આર માધવનની ફિલ્મ એન્ડ ટેલિવિઝન ઈન્સ્ટિટ્યૂટ ઓફ ઈન્ડિયા (FTII)ના પ્રમુખ તરીકે નિમણૂક કરવામાં આવી છે. કેન્દ્રીય માહિતી અને પ્રસારણ મંત્રી અનુરાગ ઠાકુરે સોશિયલ મીડિયા પર પોસ્ટ કરીને આ માહિતી આપી હતી. અનુરાગ ઠાકુરે લખ્યું હતું કે, “અભિનેતા માધવનને અધ્યક્ષ તરીકે નામાંકિત થવા પર હાર્દિક અભિનંદન. મને ખાતરી છે કે તમારો બહોળો અનુભવ અને મજબૂત નીતિશાસ્ત્ર આ સંસ્થાને સમૃદ્ધ બનાવશે, સકારાત્મક પરિવર્તન લાવશે અને તેને ઉચ્ચ સ્તરે લઈ જશે. મારી શુભકામનાઓ તમારી સાથે છે.”
આર માધવને અનુરાગ ઠાકુરનો આભાર માન્યો હતો અને સોશિયલ મીડિયા X પર લખ્યું હતું કે, “સન્માન અને શુભેચ્છાઓ માટે અનુરાગ ઠાકુરજી તમારો ખૂબ ખૂબ આભાર. હું દરેકની અપેક્ષાઓ પર ખરો ઉતરવાનો મારાથી શ્રેષ્ઠ પ્રયાસ કરીશ. FTIIના ચેરમેન તરીકે આર માધવનનો કાર્યકાળ ત્રણ વર્ષનો રહેશે. અગાઉ આ જવાબદારી શેખર કપૂર નિભાવી રહ્યા હતા. તેમનો કાર્યકાળ માર્ચ મહિનામાં પૂરો થયો હતો.
આર માધવન ફિલ્મોમાં તેમના મજબૂત અભિનય માટે જાણીતા છે. જ્યારે પણ તેઓ હિન્દી ફિલ્મમાં જોવા મળે છે ત્યારે તે પોતાની એક્ટિંગથી બધાનું દિલ જીતી લે છે. આર માધવન ફિલ્મોમાં સફળ કરિયર ઉપરાંત સોશિયલ મીડિયા પર પણ ખૂબ એક્ટિવ છે. આર માધવને સાઉથ અને હિન્દી ફિલ્મોમાં પોતાના અભિનયના ઓજસ પાથર્યા છે. આર માધવન, જેઓ મોટાભાગે દક્ષિણની ફિલ્મો કરે છે. તેઓ હિન્દી ફિલ્મ તનુ વેડ્સ મનુ રિટર્ન્સ માટે પણ જાણીતા છે. આ ફિલ્મના બંને પાર્ટ ફેન્સને ખૂબ પસંદ આવ્યા હતા.
This content is restricted to site members. If you are an existing user, please log in. New users may register below.
