‘આપ’ રાતોરાત રાષ્ટ્રીય પાર્ટી ના બને, ભાજપને ટક્કર આપવા બે દાયકાનો સમય લાગશે : પ્રશાંત કિશોરે

(જી.એન.એસ),તા.૩૦
નવીદિલ્હી
હવે ‘આપ’ દિલ્હી અને પંજાબમાં સત્તામાં છે અને પાર્ટી ગુજરાત, રાજસ્થાન, પશ્ચિમ બંગાળ, આસામ, હિમાચલ પ્રદેશ જેવા રાજ્યોમાં વિસ્તરણ પર ધ્યાન કેન્દ્રિત કરી રહી છે. પાર્ટીના નેતાઓ પંજાબની જીતને લઈને ઉત્સાહિત છે અને તેમના નિવેદનો દર્શાવે છે કે ‘આપ’ હવે આત્મવિશ્વાસથી ભરેલી છે અને તેને વિશ્વાસ છે કે તે ટૂંક સમયમાં જ રાષ્ટ્રીય સ્તરે ઉભરી આવશે, પરંતુ ‘આપ’ નેતાઓને લાગે તેટલું સરળ નથી. ભ્રષ્ટાચાર વિરુદ્ધ રાષ્ટ્રવ્યાપી અન્ના આંદોલનમાંથી ઉભરી આવેલી આમ આદમી પાર્ટી નવેમ્બર 2022માં 10 વર્ષ પૂર્ણ કરશે. પંજાબ વિધાનસભા ચૂંટણી 2022માં મોટા નેતાઓના જામીન જપ્ત કરાવ્યા પછી, ‘આપ’ હવે રાજ્યની સત્તાનો સફાયો કરીને ફરીથી રાષ્ટ્રીય બનવા તરફ ઝડપથી આગળ વધી રહી છે. પાર્ટીની સ્થાપના બાદ પણ અરવિંદ કેજરીવાલે દિલ્હી સહિત ઘણા રાજ્યોમાં ચૂંટણી લડી હતી, પરંતુ દિલ્હી સિવાય અન્ય રાજ્યોમાં પણ તેમને આવી સફળતા નોહતી મળી. ચૂંટણી વ્યૂહરચનાકાર પ્રશાંત કિશોરે એક ઈન્ટરવ્યુમાં જણાવ્યું હતું કે ‘આપ’ ને ભાજપને પડકારવામાં ઓછામાં ઓછા 15 થી 20 વર્ષનો સમય લાગી શકે છે. પ્રશાંત કિશોર 20 વર્ષના લાંબા ગાળાનું ગણિત સમજાવતા સમજાવે છે કે તેનું પોતાનું અંકગણિત છે. 2019ની સામાન્ય ચૂંટણીમાં ‘આપ’ ને 27 લાખ મત મળ્યા હતા, જ્યારે કોઈપણ પક્ષને કેન્દ્રમાં સત્તા પર કબજો કરવા માટે 20 કરોડ કે તેથી વધુ મતોની જરૂર છે. આ થોડા વર્ષોમાં પ્રાપ્ત થઈ શકશે નહીં. પ્રશાંત કિશોર કહે છે કે એક-બે રાજ્યોમાં ચૂંટણી જીતીને સત્તા તરીકે ઉભરી આવવું એ એક વાત છે, પણ લોકસભાની ચૂંટણી જીતવી એ બીજી વાત છે. દેશના રાજકીય ઈતિહાસમાં કોંગ્રેસ અને ભાજપ એ બે જ પક્ષો એવા છે જે રાષ્ટ્રીય બન્યા છે. હવે એનો મતલબ એ નથી કે અન્ય કોઈ પક્ષ આ કરી શકે નહીં, પરંતુ આ કરવા માટે 15-20 વર્ષ સતત પ્રયત્નો કરવા પડશે. આ કરવામાં ભાજપને 50 વર્ષ લાગ્યા. ભાજપે 1978થી સફર શરૂ કરી હતી, ત્યાર બાદ તે આજે અહીં સુધી પહોંચી છે. પ્રશાંત કિશોરે કહ્યું કે જો કોઈ એવું વિચારતું હોય કે આ દેશમાં મોંઘવારી કે બેરોજગારી કોઈ મુદ્દો નથી તો તે ખોટો છે. આખો દેશ 38 ટકા વોટ મેળવનાર પાર્ટી સાથે નથી, કારણ કે 62 ટકા લોકો મોંઘવારી અને બેરોજગારીને મુદ્દા માને છે, પરંતુ તે 62 ટકાના વોટનું વિભાજન થઈ રહ્યું છે. જ્યારે પ્રશાંત કિશોરને પૂછવામાં આવ્યું કે શું પીએમ મોદીની લોકપ્રિયતા હજુ પણ અકબંધ છે? તેના પર પ્રશાંત કિશોરે કહ્યું બિલકુલ, પરંતુ તમે લોકપ્રિય થયા પછી પણ ચૂંટણીમાં હારી શકો છો. પ્રશાંત કિશોરે કહ્યું કે હિન્દુત્વ એક મોટું પરિબળ છે, પરંતુ ધ્રુવીકરણની પણ એક મર્યાદા હોય છે. તમે કોઈ પણ સમુદાયને મર્યાદાથી આગળ ધ્રુવીકરણ કરી શકતા નથી. જો ધ્રુવીકરણ આટલું મોટું પરિબળ હોત તો ભાજપને માત્ર 40 ટકા જ મત મળ્યા હોત.